گوگل نیوز پر ہمیں فالو کریںانقرہ: ترکی کی شوبز انڈسٹری کے معروف فنکاروں نے ایک امدادی مہم میں ترکی اور شام کے زلزلہ متاثرین کی بحالی کیلئے چھ ارب ڈالر سے زیادہ رقوم جمع کرلی۔
’ترکی ایک دل‘ کے نام سے مہم میں ملک کے آٹھ قومی نشریاتی اداروں نے حصہ لیا اور مشہور شوبز ستاروں کے ذریعے عطیات جمع کیے گئے۔
ملک گیر فنڈ ریزنگ مہم میں ملک بھر کے لاکھوں افراد نے حصہ لیا تاکہ خوفناک زلزلے سے بچ جانے والے افراد کی بحالی میں اپنا حصہ بھی ڈال سکیں اور ان کی مدد کرسکیں۔
لائیو مہم کی میزبانی میں شہرہ آفاق ترکی ڈراموں ’ارطغرل‘ اور ’کورلوس عثمان‘ کے فنکار نمایاں تھے۔
For the past 1 week & including today there had been no episode of Kuruluş Osman & due to the earthquake in Türkiye. All actors were busy in this telethon they conducted for raising funds for earthquake victims. So much love & respect for em! Hope ???????? elites learn somethin from????????! pic.twitter.com/sZwso0jEfw
— Momina Abid (@Momina_Abidd) February 16, 2023
عورت کو خوش رہنے کیلئے مرد کے ساتھ کی ضرورت نہیں، سجل علی
ترکی کی ٹیلی کام کمپنیوں کو امداد کیلئے 90 لاکھ سے زیادہ موبائل پیغامات بھی بھیجے گئے اور مختلف افراد نے تحفوں کا بھی اعلان کیا۔
اس موقع پر ترکیہ صدر رجب طیب اردگان نے بھی فون کے ذریعے مہم میں حصہ لیا اور انہوں نے اس عزم کا اعادہ کیا کہ ہم تمام زلزلہ متاثرین کو ایک برس کے اندر بحال کردیں گے۔
خیال رہے کہ ترکیہ اور شام میں 6 فروری کو بدترین زلزلہ آیا تھا جس سے ہلاکتوں کی تعداد 45 ہزار سے تجاوز کرچکی ہے۔
