شام میں کرد اور ترکی دونوں جنگ بندی چاہتے ہیں۔امریکی صدر ڈونلڈ ٹرمپ

امریکا کے صدر ڈونلڈ ٹرمپ نے کہا ہے کہ میری ترکی کے صدر رجب طیب اردوان سے بات ہو گئی ہے جبکہ کرد جنگجو اور ترکی دونوں ہی جنگ بندی کے حق میں ہیں۔

سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ طیب اردوان نے مجھے بتایا کہ شام کے شمالی علاقے میں تھوڑی بہت گولہ باری کی گئی تھی، جو روک دی گئی ہے، تاہم طرفین جنگ بندی چاہتے ہیں۔

یہ بھی پڑھیں: برطانیہ نے یورپی یونین سے سخت کوششوں کے بعد بریگزٹ معاہدہ کرلیا

صدر ڈونلڈ ٹرمپ نے کہا کہ سالوں پہلے ایسی صورتحال نہیں تھی، جس کا افسوس ہے جبکہ ایسے مسائل سے نمٹنے کے مصنوعی طریقے استعمال کیے جاتے تھے، تاہم اب دونوں طرف سے  کامیاب جنگ بندی کا اچھا موقع ہے۔

صدر ٹرمپ نے کہا کہ امریکا نے تیل کو محفوظ کر لیا ہے جبکہ کرد اور ترکی نے دونوں طرف سے داعش کے جنگجوؤں کو حراست میں لے رکھا ہے۔

…..this thinking years ago. Instead, it was always held together with very weak bandaids, & in an artificial manner. There is good will on both sides & a really good chance for success. The U.S. has secured the Oil, & the ISIS Fighters are double secured by Kurds & Turkey….

— Donald J. Trump (@realDonaldTrump) October 18, 2019

ٹرمپ کا کہنا تھا کہ ابھی ابھی مجھے آگاہ کیا گیا ہے کہ یورپی اقوام پہلی بار یہ خواہش رکھتی ہیں کہ داعش کے جو جنگجو ان سے تعلق رکھتے ہیں، انہیں اپنی تحویل میں لے لیں، یہ اچھی خبر ہے۔

یورپی اقوام کی خواہش پر تبصرہ کرتے ہوئے ڈونلڈ ٹرمپ نے کہا کہ یہ اُس وقت ہوتا تو زیادہ بہتر تھا جب ہم نے انہیں حراست میں لیا تھا۔ تاہم، اچھی پیش رفت دیکھنے میں آرہی ہے۔

….I have just been notified that some European Nations are now willing, for the first time, to take the ISIS Fighters that came from their nations. This is good news, but should have been done after WE captured them. Anyway, big progress being made!!!!

— Donald J. Trump (@realDonaldTrump) October 18, 2019

یاد رہے کہ اس سے قبل وزیر اعظم پاکستان عمران خان نے کہا کہ  امریکا جنگ نہیں چاہتا ، نہ ایران جنگ چاہتا ہے  جبکہ پاکستان سے  سہولت کاری کا کردار ادا کرنے کی درخواست امریکی صدر ڈونلڈ ٹرمپ نے کی۔

بین الاقوامی میڈیا نمائندگان سے تین روز قبل  بات چیت کرتے ہوئے وزیر اعظم عمران خان نے کہا کہ امریکی صدر ڈونلڈ ٹرمپ کی سب سے اچھی بات یہ ہے کہ وہ  جنگ پر یقین نہیں رکھتے جبکہ ایرانی صدر کا بھی یہی خیال ہے۔

مزید پڑھیں: امریکا جنگ نہیں چاہتا اور ٹرمپ نے سہولت کاری کا کہا۔وزیر اعظم عمران خان