پاکستان سے جنگ بندی کا معاہدہ کرنے کیلئے اب بھی تیار ہیں۔ٹی ٹی پی

تحریکِ طالبان پاکستان (ٹی ٹی پی) کے نام سے کارروائی کرنے والی جنگجو تنظیم نے کہا ہے کہ ہم پاکستان سے جنگ بندی کا معاہدہ کرنے کیلئے تیار ہیں۔

تفصیلات کے مطابق ٹی ٹی پی سے تعلق رکھنے والے مفتی نور ولی محسود کا کہنا ہے کہ کالعدم تنطیم حکومت سے جنگ بندی کیلئے تیار ہے۔ تحریکِ طالبان نے افغانستان کی ثالثی میں مذاکرات کیے اور اب بھی معاہدے کیلئے تیار ہیں۔

یہ بھی پڑھیں:

پاکستان میں کئی دہائیوں تک لڑنے کی صلاحیت رکھتے ہیں۔ ٹی ٹی پی

ٹی ٹی پی کے مفتی نور ولی محسود نے مذہبی علماء کو مخاطب کرتے ہوئے کہا کہ اگر اگر کوئی گمراہی یا غفلت محسوس ہو یا آپ کو لگتا ہو کہ ہم راستے سے ہٹ گئے تو ہمارے اساتذہ ہونے کے ناطے ہماری رہنمائی کریں۔

مفتی نور ولی محسود نے کہا کہ ہم علماء کی رائے سننے کیلئے تیار ہیں۔ خیال رہے کہ 4 جنوری کو ٹی ٹی پی سپریم کونسل نے تاحکمِ ثانی سکیورٹی خدشات کے پیشِ نظر سربراہ ٹی ٹی پی سے ملاقات پر پابندی لگا دی تھی۔

اس دوران ٹی ٹی پی کے جنگجوؤں کو مقامی قیادت کی سرکردگی میں سرگرمیاں جاری رکھنے کا کہا گیا۔ گزشتہ برس 28 نومبر میں ہی ٹی ٹی پی اور پاکستان کے مابین طے شدہ جنگ بندی کا معاہدہ منسوخ کردیا گیا تھا۔