امریکی صدر ڈونلڈ ٹرمپ نے کہا ہے کہ ہم نے داعش کی خلافت کو شکست دے دی ہے جبکہ ترکی شام میں 200 سال سے خانہ جنگی کا شکار کردوں پر حملہ کر رہا ہے۔
سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ آئی ایس آئی ایس کے نظامِ خلافت کو ہم نے 100 فیصد شکست دے دی اور اب اس علاقے میں ہمارے کوئی فوجی نہیں ہیں جہاں ترکی نے عسکری کارروائی شروع کی ہے۔
یہ بھی پڑھیں: دہشت گردی کے خلاف جنگ میں پاکستان کی قربانیوں کو نظر انداز نہیں کیا جاسکتا۔ملیحہ لودھی
ڈونلڈ ٹرمپ نے کہا کہ ہم نے اپنا کام تکمیل تک پہنچا دیا جس کے بعد وہاں کرد جنگجو بچے ہیں جو 2 صدیوں سے ایک دوسرے سے لڑائی میں مصروف ہیں جن پر ترکی حملہ آور ہوا ہے۔
We defeated 100% of the ISIS Caliphate and no longer have any troops in the area under attack by Turkey, in Syria. We did our job perfectly! Now Turkey is attacking the Kurds, who have been fighting each other for 200 years….
— Donald J. Trump (@realDonaldTrump) October 10, 2019
یاد رہے کہ اس سے قبل سعودی وزیر خارجہ عادل الجبیر نے ترکی کے شام میں آپریشن کو جارحیت قرار دیتے ہوئے کہا کہ ترک فوج کے آپریشن سے خطے کی سلامتی کو خطرات لاحق ہوں گے۔
بین الاقوامی میڈیا کے مطابق سماجی رابطے کی ویب سائٹ ٹوئٹر پر اپنے پیغام میں سعودی وزیر خارجہ عادل الجبیر نے کہا کہ شام ترکی میں جارحیت کا مظاہرہ کر رہا ہے جبکہ فوجی اقدامات سے خطے کی سلامتی داؤ پر لگ چکی ہے۔
عادل الجبیر نے کہا کہ علاقائی سلامتی کے حوالے سے ترکی کے فوجی اقدامات منفی اثرات رکھتے ہیں جبکہ داعش کے خلاف جاری بین الاقوامی جنگ بھی ترک فوج کی فضائی کارروائیوں کے باعث متاثر ہوگی۔
مزید پڑھیں: سعودی وزیر خارجہ عادل الجبیر نے ترکی کے شام میں فوجی آپریشن کو جارحیت قرار دے دیا