گوگل نیوز پر ہمیں فالو کریںبالی ووڈ اداکارہ ترپتی ڈمری نے حالیہ انٹرویو میں اپنے فلمی کرداروں اور ان پر ہونے والی تنقید کے بارے میں بات کی۔
ترپتی ڈمری نے اپنی فلموں اینمل میں زویا اور بیڈ نیوز میں سلونی جیسے کرداروں کے بعد عوامی ردعمل پر خاموشی توڑ دی۔ انہوں نے کہا کہ انہیں اپنے کرداروں کے انتخاب پر کوئی پچھتاوا نہیں۔
انہوں نے کہا، “میں وہ ہوں جو 100 فیصد دینے پر یقین رکھتی ہوں۔ اگر کردار یا کہانی دلچسپ ہو تو میں دل سے کام کرنا چاہتی ہوں۔ اگر یہ کامیاب ہو تو ٹھیک ہے، اگر نہ ہو تو بھی ٹھیک ہے۔”
انہوں نے مزید کہا، “ہم ہمیشہ سب کو خوش نہیں کر سکتے۔ کچھ لوگ آپ کو پسند کریں گے اور کچھ نہیں۔ آپ کو اپنے دل کی سننی چاہیے اور وہی کرنا چاہیے جو آپ کو صحیح لگے۔ ہو سکتا ہے کل آپ اسے غلطی سمجھیں لیکن اس وقت آپ سچے تھے۔”
پاکستانی ٹک ٹاکر مس واؤ کی نازیبا ویڈیوز بھی سوشل میڈیا پر لیک
جب ان سے پوچھا گیا کہ کیا وہ مستقبل میں اسکرپٹ کے انتخاب میں محتاط رہیں گی تاکہ حالیہ مہینوں میں بننے والے زیادہ بولڈ امیج سے بچ سکیں؟ تو انہوں نے جواب دیا، “میں وقت کے ساتھ چل رہی ہوں۔ میرا مقصد مختلف کردار ادا کرنا ہے کیونکہ میں بور ہونا نہیں چاہتی۔ میں سیٹ پر جا کر یہ محسوس نہیں کرنا چاہتی کہ مجھے سب کچھ پہلے سے معلوم ہے۔”
انہوں نے کہا، “مجھے چیلنج چاہیے، یہ سوچنا کہ یہ کیسے ہوگا؟ اور پھر اسے ممکن بنانا۔ بطور اداکارہ مجھے اس وقت اطمینان چاہیے جب میں گھر جاؤں۔
ترپتی نے مزید کہا کہ انہوں نے اینمل میں زویا یاوکی ودیا کا وہ والا ویڈیو میں ودیا جیسے کردار اس لیے ادا کیے کیونکہ وہ اسکرین پر کچھ نیا کرنا چاہتی تھیں۔
واضح رہے کہ ترپتی ڈمری نے 2024 میں زبردست کامیابی حاصل کی، جب ان کی تین فلمیں بیڈ نیوز،وکی ودیا کا وہ والا ویڈیو اوربھول بھلیاں 3 مسلسل ہٹ ہوئیں۔
آنے والی فلموں میں وہ شاہد کپور کے ساتھ ارجن اُسترا اور سدھانت چترویدی کے ساتھ دھرما پروڈکشن کی دھڑک 2 کا حصہ ہیں۔
