بھارتی آبدوز مار بھگانے پر شہباز شریف اور بلاول بھٹو کا پاک بحریہ کو خراج تحسین

اسلام آباد: پاک بحریہ کی جانب سے بھارتی آبدوز کو پاکستان کی سمندری حدود سے بھگانے پر مسلم لیگ (ن) کے صدر شہباز شریف اور پاکستان پیپلز پارٹی کے چیئرمین بلاول بھٹو زرداری نے پاک بحریہ کو خراج تحسین پیش کیا ہے۔

مسلم لیگ ن کے صدر شہباز شریف نے کہا ہے کہ بھارتی آبدوز کا بروقت سراغ لگانے اور پاکستانی حدود سے مار بھگانے پر پاک بحریہ کو خراج تحسین پیش کرتے ہیں۔

شہباز شریف کا کہنا ہے کہ تاریخ گواہ ہے کہ پاکستان کی آرمی، فضائیہ اور بحریہ نے ارض وطن کے تحفظ کے لیے ہمیشہ شجاعت اور پیشہ ورانہ صلاحیتوں کا مظاہرہ کیا ہے۔

ان کا کہنا تھا کہ ایک مرتبہ پھر پاک بحریہ نے اپنی پیشہ ورانہ مہارت، ہوشیاری اور ارض پاک کی سمندری حدود کے تحفظ کے لیے ہمہ وقت تیار ہونے کی صلاحیت کا لوہا منوایا ہے۔

یہ بھی پڑھیں

افغانستان میں معاشی صورت حال کو بہتر بنانے کے لیے بین الاقوامی تعاون ضروری ہے، شاہ محمود قریشی

دوسری جانب پی پی پی کے چیئرمین بلاول بھٹو زردار

پاک بحریہ نے بھارتی سب میرین کی پاکستانی حدود میں داخلے کی کوشش ناکام بنا دی

ی نے پاک بحریہ نے پیشہ ورانہ مہارت کا مظاہرہ کرتے ہوئے دشمن کے عزائم کو ناکام بنایا ، ساری قوم اپنے بہادر فوج کو خراج تحسین پیش کرتی ہے۔

انہوں نے کہا کہ پاک بحریہ نے پیشہ ورانہ مہارت کا مظاہرہ کرتے ہوئے نہ صرف دشمن کے عزائم کو ناکام بنایا بلکہ انہیں بے نقاب بھی کیا ، بھارت کی جانب سے پاکستانی سمندری حدود میں دخل اندازی کی مسلسل تیسری کوشش تشویش ناک ہے، عالمی برادری نوٹس لے۔

واضح رہے کہ آج پاک فوج کے شعبہ تعلقات عامہ (آئی ایس پی آر) کی جانب سے جاری ہونے والے بیان میں کہا گیا تھا کہ بھارتی آبدوز نے 16 اکتوبر کو پاکستانی حدود میں داخل ہونے کی کوشش کی، تاہم پاک بحریہ نے پیشہ ورانہ مہارت سے بھارتی عزائم ناکام بنا دئیے۔