گوگل نیوز پر ہمیں فالو کریںمعروف اداکار عثمان مختار نے اپنی ڈاریکشن میں پہلی فیچر فلم گلابو رانی کا ٹریلر جاری کردیا ہے۔
فلم کے ٹریلر کا دورانیہ 2 منٹ 7 سیکنڈز ہے جبکہ ٹریلر کو دیکھ کر اندازہ ہوتا ہے کہ فلم کی کہانی ایک ڈیڑھ سو سال پرانی یونیورسٹی کے ہاسٹل کی ہے۔
View this post on Instagram
فلم کا ٹریلر ہارر اور سسپنس سے بھرپور ہے۔ ٹریلر میں دکھایا گیا ہے کہ ہاسٹل میں پریشان کن واقعات پیش آتے ہیں جس سے طلباء خاصا خوفزدہ ہوجاتے ہیں۔
عثمان مختار کی ڈاریکشن میں آنے والی فیچر فلم گلابو رانی کی مرکزی کاسٹ میں تقریباً سبھی نئے کردار ہیں جن میں معراج حق، اسامہ جاوید حیدر، دانیال خاقان افضل،عمرعبداللہ خان اورنتاشا حمیرااعجاز سمیت دیگر اداکار شامل ہیں۔
یاد رہے کہ عثمان مختار فلم کے ڈاریکٹر ہونے کے ساتھ ساتھ شریک پروڈیوسر بھی ہیں جبکہ فلم کی کہانی عثمان مختار کی اہلیہ زنیرہ انعام اور علی مدار نے لکھی ہے۔
