گوگل نیوز پر ہمیں فالو کریںآن لائن اسٹریمنگ پلیٹ فارم ایمازون پرائم ویڈیو نے محبت کی انوکھی کہانی رورونی کینشن کے دوسرے سیزن کا ٹریلر ریلیز کردیا ہے۔ٹریلر کی ویڈیو میں محبت کرنے والا ایک کردار کہتا ہے کہ اسے خدا حافظ کہتے ہوئے رونا آگیا۔
جاپانی اینی میشن سیریز رورونی کینشن کے دوسرے سیزن کے ٹریلر نے سوشل میڈیا صارفین میں جوش و خروش کی لہر دوڑا دی ہے۔ یہ سیریز اپنی بہترین کہانی اورخوبصورت کرداروں کیلئے خاص شہرت رکھتی ہے جس میں مرکزی کردار کینشن ہیمورا ہے۔
کینشن ہیمورا کا سامنا ایک خطرناک حریف شیسیوماکوتو سے ہوتا ہے جس کا مقصد میجی حکومت کا تختہ الٹ کر ایک نئے جاپان کی تشکیل ہے جہاں صرف طاقتور افراد ہی حکمران ہوں گے اور انہیں ہی زندہ رہنے اور اپنی مرضی سے زندگی کے مراحل طے کرنے کی اجازت ہوگی۔
نئے ٹریلر میں ایڈونچر، جنگ، محبت اور ڈرامے کے دلچسپ مناظر دکھائے گئے ہیں جو دیکھنے والوں کو پسند آرہے ہیں جبکہ ایمازون پرائم سیریز کا یہ دوسرا سیزن رواں ماہ کے آغاز سے ہی ایمازون پرائم ویڈیو پر دستیاب ہے جس کی زبردست اینیمیشن اور کرداروں کوپسند کیا جارہا ہے۔
نئے سیزن میں شامل ہونے والے کرداروں میں ولن شیسیوماکوتو اور سیٹا سوجیرو شامل ہیں۔ سیریز کی کہانی اور مناظر کی گہرائی ناظرین و سامعین کی نظر میں حیرت انگیز ہے جبکہ سیریز کے تمام مناظر اور کہانی کی وسعت کے ساتھ ساتھ صداکاری بھی پسند کی جارہی ہے۔
