گوگل نیوز پر ہمیں فالو کریںمشہور ٹک ٹاکر ذوالقرنین سکندر کو حالیہ دنوں میں ایک غیر متوقع واقعے کا سامنا کرنا پڑا، جب وہ اپنے قریبی دوست کی شادی میں شرکت کے دوران گرفتار ہو گئے۔
View this post on Instagram
تقریب کے دوران پولیس نے اچانک انہیں بغیر کسی واضح وجہ کے حراست میں لے لیا اور تقریباً سات سے آٹھ گھنٹوں تک زیر حراست رکھا۔ اس واقعے نے نہ صرف ذوالقرنین کے اہل خانہ بلکہ ان کے مداحوں کو بھی شدید مایوس اور پریشان کر دیا۔
View this post on Instagram
ذوالقرنین سکندر نے اس واقعے پر سوشل میڈیا پر اپنی مایوسی اور غصے کا اظہار کیا۔ انہوں نے اپنے ویڈیو بیان میں کہا کہ اس ملک میں کچھ بھی ممکن ہے۔ میرے خلاف جھوٹی ایف آئی آر درج کی گئی ہے، اور میں ان لوگوں کو نہیں جانتا جو مجھے بدنام کرنے کی کوشش کر رہے ہیں۔ جلد ہی میں اس معاملے کی تفصیل سے وضاحت کروں گا۔
ذوالقرنین نے مزید ایک ویڈیو میں واقعے کی تفصیلات اور اسکرین شاٹس کے ذریعے تحریری معلومات بھی شیئر کی ہیں۔
View this post on Instagram
ذوالقرنین کے چاہنے والے اس واقعے پر گہرے افسوس کا اظہار کر رہے ہیں اور ان کے حق میں آواز بلند کر رہے ہیں۔ سوشل میڈیا پر ان کے مداحوں نے انصاف کی اپیل کی ہے۔
یہ امر قابل ذکر ہے کہ اس سے پہلے مشہور ٹک ٹاکر رجب بٹ کو بھی گرفتار کیا گیا تھا، جنہیں عدالت کی جانب سے گزشتہ روز سزا سنائی گئی ہے۔
ذوالقرنین کی گرفتاری نے سوشل میڈیا پر ایک نئی بحث چھیڑ دی ہے، جہاں مداح انصاف کی امید کے ساتھ ان کا ساتھ دے رہے ہیں۔
