خواتین عملہ کو ہراساں کرنے پر این آئی سی وی ڈی کے تین ملازمین ملازمت سے برخاست

کراچی: صوبائی محتسب نے خواتین عملے کوہراساں کرنے پر قومی ادارہ برائے امراض قلب (این آئی سی وی ڈی) کے تین ملازمین کو ملازمت سے برخاست کرنے کا حکم دیدیا ہے۔

این آئی سی وی ڈی کے ملازمین عبدالطیف ، جاوید حسین اور مرزا ظفر محمود کوخواتین کارکنوں کوجنسی طور پر ہراساں کرنے کا ذمہ دار پائے جانے کے بعد ملازمت سے برطرف کردیا گیا ہے۔

مزید پڑھیں: این آئی سی وی ڈی میں 43 ہزار 766 مریضوں کا مفت علاج کیا گیا۔مرتضیٰ وہاب

دوملازمین پر ایک ایک لاکھ روپے جرمانہ جبکہ ایک پر ایک لاکھ 60ہزار روپے جرمانہ عائد کیا گیا ۔

این آئی سی وی ڈی کی خواتین ملازمین نے ادارے کی جانب سے ملزمان  کیخلاف کارروائی نہ کرنے پرتقریبا ایک سال قبل تحفظ کے لئے سندھ محتسب سے رجوع کیا تھا۔