گوگل نیوز پر ہمیں فالو کریںراولپنڈی: چائلڈ پروٹیکشن بیورو کے سربراہ عابد علی کا کہنا ہے کہ رواں برس اب تک مختلف نوعیت کے معاملات میں 741 بچوں کو ریسکیو کیا گیا۔
چائلڈ پروٹیکشن بیورو راولپنڈی کے سربراہ عابد علی کے مطابق رواں برس اب تک مختلف نوعیت کے معاملات میں 741 بچوں کو ریسکیو کیا گیا، جن میں 166 بھیک مانگنے والے بچے جبکہ 306 ایسے بچے تھے جو گلی محلوں میں کوڑا چنتے تھے۔
انہوں نے بتایا کہ خاندانی ناچاقی کی بنا پر گھروں سے بھاگنے والے 144 بچوں کو چائلڈپروٹیکشن بیورو میں لایا گیا، 25 بچے ایسے بھی یہاں پر آئے جن کو اُن کے گھر والے مختلف معاملات کی بنا پر خود یہاں چھوڑ کر گئے۔
سارہ انعام قتل کیس، ملزم شاہنواز 14 روزہ جوڈیشل ریمانڈ پر جیل منتقل
عابد علی نے بتایا کہ چائلڈ پروٹیکشن بیورو مختلف واقعات کے دوران تحویل میں آنے والے 713 بچوں کو اُن کے خاندانوں کے حوالے کرچکا ہے، اس وقت چائلڈ پروٹیکشن بیورو راولپنڈی میں 74 بچے چائلڈ پروٹیکشن بیورو کے زیرِ کفالت ہیں۔
انہوں نے مزید بتایا کہ چائلڈ پروٹیکشن بیورو میں بچوں کو 5 ویں جماعت تک تعلیم دی جاتی ہے جبکہ مزید تعلیم کیلئے انھیں لاہور کے ہیڈآفس بھیجا جاتا ہے۔
