”یہ ہماری پارٹی ہورہی ہے“حسن علی بھی میدان میں آگئے

لاہور:سوشل میڈیا پر دھوم مچانے والی ویڈیو”یہ ہماری پاوری ہورہی ہے“ نے سب کو اپنے سحر میں جکڑ لیا ہے، شوبز ستارے ہوں یا کرکٹر سب اس ویڈیو کی مناسبت سے ویڈیوز بنانے میں مصروف ہوگئے ہیں۔

پاکستانی کرکٹر حسن علی نے جنوبی افریقا کے خلاف سیریز جیتنے کے بعد سوشل میڈیا پر گردش کرنے والی لڑکی کی ویڈیو کے انداز کہا کہ ”یہ میں ہوں، یہ میری ٹیم ہے اور ہم سیریز جیتنے کے بعد پاوری کررہے ہیں“۔

یہ ہماری ٹیم ہے
اور
یہ ہماری سیلیبریشن ہو رہی ہے ???? #PAKvSA | #HarHaalMainCricket | #BackTheBoysInGreen pic.twitter.com/69LrEJhF24

— Pakistan Cricket (@TheRealPCB) February 14, 2021

سوشل میڈیا پر چند روز قبل ایک یوٹیوبر و ولاگر دانانیر نے اپنے سوشل میڈیا اکاؤنٹس پر ایک ویڈیو شیئر کی تھی، جس میں انہوں نے کہا تھا کہ ”یہ ہماری کار ہے، اور یہ ہم ہیں اور یہ ہماری پارٹی ہورہی ہے“ اور اس ویڈیو کے کیپشن میں اس نے لکھا تھا کہ ”جب برگرز شمالی علاقہ جات کی سیر کو جائیں تو وہ کہتے ہیں ”یہ ہماری پاوری ہو رہی ہے“۔

قومی کرکٹر حسن علی کی جانب سے بھی اس پر مزاحیہ ویڈیو بنائی گئی، جنوبی افریقا کے خلاف سیریز جیتنے کے بعد حسن علی نے دانانیر کے انداز میں کہا کہ ”یہ میں ہوں، یہ میری ٹیم ہے اور ہم سیریز جیتنے کے بعد پاوری کررہے ہیں“۔

حسن علی کی جانب سے بنائی گئی ویڈیو بھی سوشل میڈیا پر وائرل ہوگئی اور کچھ دیر بعد ہی ہزاروں مداحوں نے اس ویڈیو کو دیکھ کر اپنی جانب سے ملے جلے رد عمل کا اظہار کیا۔