تیسرا ٹی 20: پاکستان کا جنوبی افریقہ کے خلاف ٹاس جیت کر فیلڈنگ کا فیصلہ

سنچورین: تیسرے ٹی ٹوئنٹی میچ میں پاکستان نے جنوبی افریقہ کرکٹ ٹیم کے خلاف ٹاس جیت کر پہلے فیلڈنگ کرنے کا فیصلہ کیا ہے ۔

سنچورین میں کھیلے جارہے اس میچ میں پاکستانی ٹیم میں 3 تبدیلیاں کی گئی ہیں۔ شرجیل خان، عثمان قادر اور محمد حسنین کی جگہ فخر زمان، آصف علی، اور حارث رؤف کو قومی ٹیم میں شامل کیا گیا ہے۔

پاکستان ٹیم کپتان بابراعظم، محمد رضوان، فخرزمان، محمد حفیظ، حیدرعلی، آصف علی، محمد نواز، فہیم اشرف، حسن علی، شاہین آفریدی اور حارث رؤف پر مشتمل ہے۔

جنوبی افریقہ ٹیم کپتان ہینریک کلاسین، آئیڈن مارکرم، جانیمن ملان، روسی وین ڈر ڈوسین، وین بلیون، جارج لِندا، اینڈائل پھیخلوکوائیو، سساندا ماگالا، بیورن ہینڈرکس، لزاد ولیمز اور تبریز شمسی پر مشتمل ہے۔

خیال رہے کہ دونوں ٹیموں کے درمیان ٹی ٹوئنٹی سیریز 1-1 سے برابر ہے۔ واضح رہے کہ پہلے ٹی ٹوئنٹی میچ میں پاکستان کو جنوبی افریقہ کے 4 وکٹوں سے شکست دی تھی جبکہ دوسرے ٹی ٹوئنٹی میچ میں جنوبی افریقہ نے پاکستان 6 وکٹوں سے ہرا دیا تھا۔