گوگل نیوز پر ہمیں فالو کریںسابق وزیراعظم اور مسلم لیگ (ن) کے رہنما شاہد خاقان عباسی کا کہنا ہے کہ مسائل کی وجہ لیڈر شپ کی ناکامی ہے، ایسے افراد کو پارلیمنٹ میں لایا گیا، جو اس کے قابل نہیں تھے۔
لاہور میں تقریب سے خطاب میں شاہد خاقان عباسی نے کہا کہ آج ادارے ایک دوسرے کے سامنے صف آراء ہیں، ملک کے مسائل کی وجہ سیاسی قیادت کی ناکامی ہے، مسائل کا حل سب ملکر نہیں کریں گے تو وہ ختم نہیں ہوں گے۔
یہ بھی پڑھیں:
ہمارے لیے عوام کی حفاظت اور سلامتی سے زیادہ مقدس کچھ نہیں ہے، آرمی چیف
انھوں نے کہا کہ ایسے افراد کو پارلیمنٹ میں لایا گیا جو اس کے قابل نہیں تھے، پارلیمنٹ میں جانے کے لیے تعلیم یافتہ ہونا ضروری ہے، حکومت اپنی ذمہ داریوں سے غافل ہے جبکہ عدلیہ آئین سے بالا نہیں ان کا کام آئین کی تشریح کرنا ہے نا کہ اس کیخلاف مہم جوئی کرنا۔
رہنما ن لیگ کا کہنا تھا کہ صوبائی اور وفاقی حکومت لوکل گورنمنٹ کے حق میں نہیں ہے، اگر کوئی یہ کہتا ہے کہ اسے الیکشن جتوا دیں تو ملک کے مسائل حل ہو جائیں گے تو ایسا ممکن نہیں ہے، آج حالت یہ ہے کہ وفاقی آفیسر صوبے میں صرف اپنی آسائشوں کے لیے رہتا ہے۔
شاہد خاقان عباسی نے کہا کہ ہمیں حکومت کی ناکامی کی وجہ معلوم کرنا ہوگی، مسائل کے حل آسان نہیں ہوتے، بنیادی چیزوں کو ٹھیک کرنا ہو گا، حکومت غافل ہے۔
سابق وزیراعظم اور رہنما ن لیگ شاہد خاقان عباسی نے یہ انکشاف بھی کیا کہ مفت آٹے کی تقسیم میں بیس ارب کی کرپشن ہوئی ہے۔
