ثبوت تو دیتے ہیں مگرآپکے شیروں کی کمر میں درد شروع ہو جاتا ہے، شہباز گل

لاہور:وزیراعظم کے معاون خصوصی ڈاکٹر شہباز گل نے کہا ہے کہ ثبوت بہت دیئے ہیں مگر پھر شیروں کی کمر میں درد شروع ہو جاتا ہے۔ٹوئٹر پر مریم اورنگزیب کے بیان پر رد عمل دیتے ہوئے ڈاکٹر شہباز گل نے لکھا کہ پھر ان کی زندگی خطرے میں پڑتی ہے۔ آخرکار وہ دوائی لینے لندن بھاگ جاتے ہیں۔

شہباز گل نے کہا کہ جھوٹ بول بول کر آپ کو اتنی عادت ہو گئی ہے کہ اب تو بغیر شرمندگی کہ آپ روانی سے جھوٹ بول سکتی ہیں،اسی بنا ء پر بڑی ترقی کی ہے آپ نے۔

ثبوت تو دیتے ہیں مگر پھر آپکے شیروں کی کمر میں درد شروع ہو جاتی ہے۔ پھر ان کی زندگی خطرے میں پڑتی ہے اور آخر کار وہ دوائی لینے لندن بھاگ جاتے ہیں۔ جھوٹ بول بول کر آپکو اتنی عادت ہو گئی ہے کہ اب تو بغیر شرمندگی کہ آپ روانی سے جھوٹ بول سکتی ہیں۔ ماشاللہ بڑی ترقی کی ہے آپ نے۔ https://t.co/WT2G5f3EbU

— Dr. Shahbaz GiLL (@SHABAZGIL) August 22, 2020

انہوں نے ایک اور ٹویٹ میں لکھا کہ مسلم لیگ (ن)اور پیپلز پارٹی حکومت سے بار بار ڈیمانڈ کر رہی ہے کہ 2010 میں سے نیب کا ذکر ہٹا دیا جائے۔

اگر حکومت یہ مان لے تو شہباز شریف اور ان کے خاندان اور پیپلز پارٹی کے منی لانڈرنگ کیسزتقریباً ختم ہو جائیں گے،یہ ہے وہ این آر او جو اپوزیشن عمران خان سے مانگ رہی ہے لیکن خان نہیں دے گا۔