گوگل نیوز پر ہمیں فالو کریںقومی ٹیم کے فاسٹ بولر شاہین شاہ آفریدی کا کہنا ہے کہ ورلڈکپ میں پاکستان ٹیم کو ان کی ضرورت تھی، اس لئے انجری کے باوجود ٹیم میں شامل ہوا۔
شاہین شاہ آفریدی نے ایڈیلیڈ میں بنگلادیش کو شکست کے بعد پریس کانفرنس کرتے ہوئے کہا کہ سیمی فائنل میں رسائی کا کریڈٹ پاکستان ٹیم کی کامیابی کے بعد نیدر لینڈز کو بھی دینا چاہیے۔
شاہین شاہ آفریدی نے تسلیم کیا کہ انجری کے باوجود انہوں نے کم بیک میں جلدی کی کیونکہ ورلڈکپ میں پاکستان ٹیم کو ان کی ضرورت تھی، اتنی بڑی انجری کے بعد واپسی میں وقت لگتا ہے۔
انہوں نے سابق کرکٹرز سے درخواست کی جب پاکستان ٹیم مشکل میں ہو تو انہیں سپورٹ کیا جائے۔ انہوں نے کہا کہ فینز کی دعاؤں کی وجہ سے ٹیم پاکستان سیمی فائنل میں پہنچے میں کامیاب ہوئی ،
مزید پڑھیں:بھارت کے ہاتھوں زمبابوے کو شکست، سپر 12 مکمل، سیمی فائنل کے میچز بھی طے ہوگئے
واضح رہے کہ آج بنگلادیش کے خلاف اہم میچ میں شاہین نے 4 اوورز میں 22 رنز دے کر 4 وکٹیں حاصل کیں۔جبکہ قومی ٹیم نے سیمی فائنل میں بھی رسائی حاصل کرلی۔
