گوگل نیوز پر ہمیں فالو کریںاداکارہ و ماڈل طوبیٰ انور کی جانب سے شوہر عامرلیاقت سے علیحدگی کی تصدیق کے بعد دونوں کے درمیان خلع کی اصل وجوہات بھی سامنے آگئی ہیں۔
گزشتہ کچھ عرصے سے تحریک انصاف کے رکن قومی اسمبلی عامر لیاقت اور ان کی دوسری بیوی طوبیٰ کے درمیان علیحدگی کی خبریں سامنے آتی رہیں تاہم پی ٹی آئی رہنماسختی سے ان کی تردید کرتے رہے ہیں۔
عامر لیاقت سے خلع کی وجوہات بتاتے ہوئے طوبیٰ کا کہنا ہے کہ 14 ماہ کے دوران رشتے میں پڑی دراڑیں ختم ہونے کا کوئی امکان نظر نہیں آیا جس کی وجہ سے انہوں نے خلع لینے کا فیصلہ کیا۔
View this post on Instagram
طوبیٰ کا کہنا ہے کہ وہ یہ بتا نہیں سکتیں کہ یہ کتنا مشکل وقت ہے لیکن انہیں اللہ پر پورا بھروسہ ہے۔ میں سب لوگوں سے اپیل کروں گی کہ اس مشکل گھڑی میں میرے فیصلے کا احترام کیا جائے۔
واضح رہے کہ سیدہ طوبیٰ نے اپنے تمام سوشل میڈیا اکاؤنٹس پر اپنے نام کے ساتھ عامر لیاقت کا نام تبدیل کرکے دوبارہ والد کا نام لگالیا تھا جس کے بعد ان کا نام تمام سوشل میڈیا اکاؤنٹس پر ’’سیدہ طوبیٰ عامر‘‘ کی جگہ ’’سیدہ طوبیٰ انور‘‘ لکھا ہوا نظر آیا۔
مزید پڑھیں:کیا عامر لیاقت نے حریم شاہ کی دوست صندل خٹک سے تیسری شادی کرلی؟
