ملک بھر میں مہنگائی کی شرح میں مزید اضافہ ہوگیا

اسلام آباد: ملک بھر میں ہفتہ وار بنیادوں پر مہنگائی کی شرح میں 0.20 فیصد کا مزید اضافہ ہوگیا۔

وفاقی ادارہ شماریات نے ہفتہ واربنیادوں پر مہنگائی کی رپورٹ جاری کردی، جس میں بتایا گیا کہ ملک میں 17 ہزار 733 روپے سے 22 ہزار 888 روپے ماہانہ آمدن والوں کیلئے مہنگائی کی شرح 36.51 فی صد رہی ہے جبکہ حالیہ ہفتے ملک میں 19 اشیائے ضروریہ مہنگی، 12 سستی ہوئیں جبکہ 20 کی قیمتیں مستحکم رہی ہیں۔

یہ بھی پڑھیں:

گزشتہ 9 ماہ میں 22 وزراء نے 93غیر ملکی دورے کیے۔شیخ رشیدکا انکشاف

رپورٹ کے مطابق حالیہ ایک ہفتے کے دوران آلو، ٹماٹر، لہسن، دال ماش، چینی، کپڑے دھونے کا صابن، بیف، مٹن، کھلا دودھ، دہی، گڑ، آٹا، نمک اور ٹوٹا چاول سمیت بنیادی ضروریات زندگی کی19شیاء مہنگی ہوئیں۔

ایک ہفتے کے دوران ایل پی جی، دال مونگ، دال مسور، دال چنا، انڈے، پیاز، چکن اور کھانے پکانے کے تیل سمیت بارہ کی قیمتوں میں کمی آئی اور 20 اشیائے ضروریہ کی قیمتوں میں استحکام رہا۔