گوگل نیوز پر ہمیں فالو کریںپاسپورٹ کی رینکنگ جاری کرنے والے ادارے ہینلے پاسپورٹ انڈیکس نے نئے سال 2024 کے طاقتور ترین پاسپورٹ والے ممالک کی فہرست جاری کر دی ہے۔
ویب سائٹ لائیو منٹ کے مطابق اس مرتبہ جاری ہونے والی فہرست میں چھ ممالک نے مشترکہ طور پر طاقتور ترین پاسپورٹ رکھنے کی پہلی پوزیشن حاصل کی ہے۔
ہینلے اینڈ پارنٹرز نے یہ فہرست انٹرنیشنل ایئر ٹرانسپورٹ ایسوسی ایشن (آئی اے ٹی اے) سے ڈیٹا حاصل کرنے کے بعد جاری کی ہے۔
[visual-link-preview encoded=”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″]
دنیا کے سب سے طاقتور پاسپورٹ والے ممالک کی فہرست میں پہلے نمبر پر مشترکہ طور فرانس، جرمنی، اٹلی، جاپان، سنگاپور اور اسپین موجود ہیں۔
ان چھ ممالک کے شہریوں کو دنیا کے 194 ممالک میں ویزا فری یا ویزا آن ارائیول کی سہولت حاصل ہے۔
اس رینکنگ میں دوسرے نمبر پر فن لینڈ، جنوبی کوریا اور سویڈن براجمان ہیں۔ ان تین ممالک کے شہری دنیا کے 193 ممالک میں ویزا فری یا ویزا آن ارائیول کی سہولت استعمال کر سکتے ہیں۔
دنیا کے طاقتور ترین پاسپورٹ والے ممالک کی فہرست میں تیسرے نمبر پر آسٹریا، ڈنمارک، آئرلینڈ اور نیدرلینڈز موجود ہیں۔ ان ممالک کے شہری دنیا کے 192 ممالک میں بغیر ویزا کے جا سکتے ہیں۔
چوتھے نمبر پر بیلجیئم، لکسمبرگ، ناروے، پرتگال اور برطانیہ شامل ہیں جن کے شہری 193 ممالک میں بغیر ویزا یا ویزا آن ارائیول کے تحت جا سکتے ہیں۔
اس فہرست میں پانچویں نمبر پر یونان، مالٹا اور سوئٹرز لینڈ موجود ہیں جن کے شہریوں کو 190 ممالک میں بغیر ویزا کے جانے کی سہولت حاصل ہے۔
دوسری جانب ہینلے گلوبل کی ویب سائٹ کے مطابق اس رینکنگ میں انڈیا کو 80ویں پوزیشن حاصل ہے جس کے تحت انڈین شہری 62 ممالک میں بغیر ویزا کے جا سکتے ہیں۔
اسی فہرست میں پاکستان کا 101واں نمبر ہے، پاکستانی شہریوں کو 34 ممالک میں ویزا فری یا ویزا آن ارائیول کی سہولت حاصل ہے۔
