گوگل نیوز پر ہمیں فالو کریںاسلام آباد: وزیراعظم شہباز شریف نے موجودہ سیاسی صورتحال میں اہم مشاورتی اجلاس آج طلب کرلیا۔
وزیر اعظم شہباز شریف کی زیرصدارت مشاورتی اجلاس آج ہفتے کو ان کی رہائشگا ماڈل ٹاؤن میں ہوگا۔ جس میں مسلم لیگ ن کی نائب صدر مریم نواز سمیت پارٹی کی سینئر قیادت اور وفاقی وزرا شریک ہوں گے۔
اجلاس میں معاونین خصوصی اور اٹارنی جنرل بھی شرکت کریں گے جبکہ وزیر خزانہ اسحاق ڈار پاکستان تحریک انصاف (پی ٹی آئی) سے جاری مذاکرات پر بریفنگ دیں گے۔ نواز شریف بھی ویڈیو لنک کے ذریعے لندن سے اجلاس میں شریک ہوں گے۔
شریف برادران ذاتی مفاد کیلئے پنجاب میں الیکشن نہیں ہونے دے رہے، عمران خان
اجلاس میں پی ٹی آئی قیادت کے مطالبات پر مشاورت کی جائے گی جبکہ وزیر اعظم شہبازشریف مذاکرات کے حوالے سے تفصیلی مشاورت کریں گے۔
دوسری جانب حکمران اتحاد اور پی ٹی آئی کے درمیان مذاکرات کا دوسرا دور گزشتہ روزجمعے کو اختتام پذیر ہوا جبکہ تیسرا اور آخری دور منگل کی صبح 11 بجے ہوگا۔
