ملک میں بجلی کا شارٹ فال 5 ہزار 217 میگا واٹ تک پہنچ گیا

اسلام آباد: ملک میں توانائی بحران برقرار، بجلی کا شارٹ فال 5 ہزار 217 میگاواٹ تک پہنچ گیا ہے۔

تفصیلات کے مطابق ذرائع کا کہنا ہے کہ ملک میں بجلی کی کل طلب 27 ہزار میگاواٹ اور بجلی کی مجموعی پیداوار 21 ہزار 783 میگاواٹ ہے جبکہ بجلی کا شارٹ فال 5 ہزار 217 میگاواٹ تک پہنچ گیا ہے۔

ذرائع کے مطابق پانی سے 4 ہزار 926 میگاواٹ بجلی پیدا کی جارہی ہے اور سرکاری تھرمل پلانٹس 924 میگاواٹ بجلی پیدا کررہے ہیں۔

یہ بھی پڑھیں:

اسٹاک ایکسچینج میں مندی، 100 انڈیکس 2055 پوائنٹس سے کریش کرگئی

ذرائع کا کہنا ہے کہ نجی شعبے کے بجلی گھروں کی مجموعی پیداوار 12 ہزار 425 میگاواٹ ہے، ونڈ پاور پلانٹس 1 ہزار 140 میگاواٹ اور سولرپلانٹس سے 100 میگاواٹ پیداوار ہے۔

مزید برآں بگاس سے چلنے والے پلانٹس 123 میگاواٹ بجلی پیدا کررہے ہیں، جوہری ایندھن سے 2 ہزار 145 میگاواٹ بجلی پیدا کی جارہی ہے۔

خیال رہے کہ ملک کے مختلف علاقوں میں 10 گھنٹے تک کی لوڈشیڈنگ کی جارہی ہے جبکہ زیادہ نقصانات والے علاقوں میں لوڈشیڈنگ کا دورانیہ اس سے بھی زیادہ ہے۔