وزیر اعظم کی چاروں صوبوں کو اشیائے ضروریہ کی قیمتوں میں کمی کی ہدایت

مقبول خبریں

کالمز

zia-1
پانچ صہیونی انتہاپسندوں میں پھنسا ٹرمپ (دوسرا حصہ)
zia-1
پانچ صہیونی انتہاپسندوں میں پھنسا ٹرمپ (پہلا حصہ)
"Conspiracies of the Elites Exposed!"
سرمایہ داروں کی خوشحالی، عوام کی غربت، پاکستان کی معیشت کا کھلا تضاد

موسم

قیمتیں

ٹرانسپورٹ

PM reaffirms Pakistan’s support for rights of Palestinians

اسلام آباد:پیٹرولیم مصنوعات کی قیمتوں میں کمی کے اثرات عوام تک منتقل نہ ہونے پر وزیر اعظم عمران خان نے نوٹس لے لیا ہے اور چاروں صوبوں کے وزرائے اعلیٰ کو قیمتوں و کرایوں میں کمی کے معاملات خود مانیٹر کرنے کی ہدایت کردی ہے۔

وزیراعظم عمران خان نے پیٹرولیم مصنوعات کی قیمتوں میں کمی کے باوجود اشیائے ضروریہ کی قیمتیں کم نہ ہونے پر نوٹس لیتے ہوئے صوبوں کوفوری اشیائے ضروریہ کی قیمتوں میں کمی کی ہدایت کردی ہے۔

اس حوالے سے وزیر اعظم عمران خان نے وزرائے اعلیٰ اور چیف سیکریٹریز کو فوری ایکشن لینے کی ہدایت کرتے ہوئے کہا ہے کہ قومی پرائس مانیٹرنگ کمیٹی قیمتوں میں کمی کے معاملے کی مسلسل نگرانی کرے اور ہفتہ وار رپورٹ پیش کی جائے اور کابینہ کی جانب سے دی گئی ہدایات پر من وعن عملدرآمد کیا جائے۔

وزیر اعظم نے کہا کہ پیٹرولیم کی قیمتوں میں واضح کمی کے باوجود اشیائے ضروریہ کی قیمتوں میں کمی کیوں نہیں کی جارہی، انہوں نے کہا کہ اب کوئی جواز نہیں کہ اشیائے ضروریہ کی قیمتوں میں کمی نہ کی جائے۔

انہوں نے کہا کہ آٹے کی قیمتوں میں بھی اضافے کا کوئی جواز نہیں اور صوبائی سطح پر فوری مانیٹرنگ تیز کرنے کی ہدایت ۔

واضح رہے کہ وزیراعظم آفس کی جانب سے مراسلہ مشیرخزانہ، چیئرمین قومی پرائس مانیٹرنگ کمیٹی، چاروں صوبائی حکومتوں،چیف سیکریٹریز کو بھجوادیاہے، وزیراعظم نے کہا ہے کہ صوبائی حکومتیں مہنگائی کیخلاف سخت ایکشن لینے سے گریز نہ کریں۔

وزیر اعظم آفس کی جانب سے جاری کردہ مراسلے میں کہا گیا گزشتہ مہینوں میں پیٹرولیم مصنوعات کی قیمتوں میں واضح کمی آئی ہے، اشیائے ضروریہ کی قیمتوں میں کمی کے بجائے اضافہ دیکھنے میں آرہا ہے، ایسا ہرگز نہیں ہونا چاہئے۔

Related Posts