پی سی بی بورڈ آف گورنرز کا اجلاس کل ہوگا

لاہور: پاکستان کرکٹ بورڈ کے بورڈ آف گورنرز کا اجلاس کل ہوگا۔

تفصیلات کے مطابق پی سی بی بورڈ آف گورنرز کا اجلاس جمعرات کو طلب کیا گیا ہے، جس کی صدارت چیئرمین پی سی بی رمیز راجہ کرینگے، اجلاس میں نئے مالی سال کے مجوزہ بجٹ کی منظوری لی جائے گی۔

بورڈ آف گورنرز کے اجلاس میں سالانہ کارکردگی رپورٹ پیش کرنے کے ساتھ ساتھ قومی کرکٹ ٹیم کی پرفارمنس اور مستقبل کے لائحہ عمل پر بھی بریفنگ اور مشاورت کی جائے گی۔

یہ بھی پڑھیں:

قومی کرکٹ ٹیم کے سابق کھلاڑی ظہیر عباس کی طبیعت خراب، آئی سی یو میں منتقل

خیال رہے کہ بورڈ آف گورنرز کی طرف سے بجٹ کی منظوری کے بعد قومی کرکٹرز کے نئے سینٹرل کنٹریکٹ کا بھی اعلان کردیا جائے گا۔ معاوضوں میں 30 فیصد اضافے کے ساتھ ریڈ اور وائٹ بال کھیلنے والے کرکٹرز کو الگ الگ کیٹیگریز میں کنٹریکٹ دیا جائیگا۔

بورڈ آف گورنرز کے اجلاس میں پی سی بی سالانہ جنرل کونسل اجلاس میں کیے گئے فیصلوں پر بھی شرکا کو اعتماد میں لیا جائیگا۔