این سی او سی نے عجلت میں تمام چیزیں کھولنے کا فیصلہ کیا، مرتضیٰ وہاب

کراچی:ترجمان سندھ حکومت بیرسٹر مرتضیٰ وہاب نے کہا ہے کہ شاید نیشنل کمانڈ اینڈ آپریشنز سینٹر (این سی او سی)نے عجلت میں تمام چیزیں کھولنے کا فیصلہ کیا۔

انہوں نے کہا کہ ہمیں سخت فیصلے کرنے کا شوق نہیں، صورت حال کنٹرول سے باہر ہو تب سخت فیصلے کرنے ہوتے ہیں، جمعرات کو دوبارہ اجلاس ہوگا۔

اگر حالات بہتر نہ ہوئے تو سخت فیصلے کریں گے۔انہوں نے کہا کہ 30 سال سے زائد عمرکے افراد کی ویکسینیشن کے لیے رجسٹریشن شروع ہوچکی ہے۔

کراچی میں 24گھنٹوں میں 26فیصد تک مثبت کیسز سامنے آئے ہیں۔مرتضیٰ وہاب نے کہا کہ حیدرآباد میں 24 گھنٹوں میں کورونا کیسزکی شرح 11 فیصد رہی، حکومت کوبندش لگانیکا کوئی شوق نہیں۔

لوگ ماسک پہنیں، ایس اوپیز پر عمل کریں اور ویکسین لگوائیں۔مرتضیٰ وہاب نے کہا کہ جامشورو نے آکسیجن کی پیداوار میں متحرک طریقے سے کام کیا ہے۔

جامشورو پاور کمپنی 2 لاکھ 68 ہزار لیٹرآکسیجن پیدا کرے گی۔انہوں نے کہا کہ یہ 2 لاکھ 68 ہزار لیٹرآکسیجن حیدرآباد، جامشورو کی ضرورت پورے کرنے کے لیے کافی ہے۔

مزید پڑھیں: دُنیا بھر میں کورونا سے 16کروڑ 37لاکھ افراد متاثر، 33 لاکھ 93ہزار ہلاک