وفاقی وزیر خزانہ کی زیر صدارت اقتصادی رابطہ کمیٹی کا اجلاس آج ہوگا

اسلام آباد: وفاقی وزیرخزانہ اسحاق ڈار کی زیرصدارت اقتصادی رابطہ کمیٹی (ای سی سی) کا اجلاس آج ہو گا۔

ایجنڈے کے مطابق اقتصادی رابطہ کمیٹی کے اجلاس میں کیبنٹ ڈویژن کی سمری پر 40 کروڑ 47 لاکھ کی تکنیکی گرانٹ کی منظوری دی جائے گی جبکہ وزارت ہاؤسنگ کیلئے 50 کروڑ روپے کی تکنیکی ضمنی گرانٹ کی منظوری کا بھی امکان ہے۔

اجلاس میں سپریم کورٹ کی بلڈنگ اور ججز کی رہائش گاہوں کے مرمتی کام کیلئے فنڈز منظور کئے جائیں گے جبکہ سولر پینل اور الائیڈ ایکویپمنٹ مینوفیکچرنگ پالیسی 2023 کی بھی منظوری متوقع ہے۔

یہ بھی پڑھیں:

سری نگر ہائی وے، وزیر اعظم نے سیونتھ ایونیو اوور ہیڈ برج کا افتتاح کردیا

وزیر خزانہ کی زیر صدارت اجلاس میں ہیوی الیکٹریکل کمپلیکس کے ملازمین کو تنخواہوں کی ادائیگی اور انتظامی امور چلانے کیلئے فنڈز کی منظوری بھی دی جائے گی۔