گوگل نیوز پر ہمیں فالو کریںدی لیجنڈ آف مولاجٹ نے برطانیہ میں نمائش کے 17 دنوں کے بعد آمدنی میں مشہور بھارتی فلم کو بھی پیچھے چھوڑدیا۔
بلال لاشاری کی ہدایت کاری میں بننے والی فلم دنیا بھر سے مجموعی طور پر 133 کروڑ روپے کی آمدنی کے ساتھ سرفہرست ہے، فلم پاکستان میں 40 کروڑ روپے سے زائد کا بزنس کرچکی ہے۔
برطانیہ میں باکس آفس پر اس فلم کا بول بالا ہے جہاں صرف ایک دن میں ایک کروڑ روپے سے زائد کما کر ایک نیا ریکارڈ اپنے نام کیا ہے۔
View this post on Instagram
جب کہ اسی سال کی کامیاب بھارتی فلم آر آر آر کی مجموعی آمدنی 25 کروڑ 12 لاکھ کے مقابلے میں دی لیجنڈ آف مولا جٹ نے 17 دن میں 25 کروڑ 31 لاکھ روپے سے زائد کما کراسے مات دے دی ہے اور دلچسپ بات یہ ہے کہ پاکستانی فلم کی نمائش اب بھی جاری ہے۔
اس فلم کے کہانی نویس (اسکرپٹ رائٹر) ناصر ادیب ہیں جنہوں نے 1979ء کی سپر ہٹ فلم ’مولا جٹ‘ لکھی۔ اس کے ہدایت کار یونس ملک تھے اور اب 2022ء میں ’دی لیجنڈ آف مولا جٹ‘ کے ہدایت کار بلال لاشاری ہیں۔ کہانی نویس اس سے پہلے اسی کہانی کی مماثلت میں 1972ء کو ریلیز ہونے والی ایک اور سپرہٹ فلم ’بشیرا‘ لکھ چکے ہیں جس کے ہدایت کار اسلم ڈار تھے۔
فلم کے مرکزی کرداروں میں ماہرہ خان، فواد خان، حمزہ علی عباسی اور حمیمہ ملک شامل ہیں۔ فلم باکس آفس پر کامیاب بزنس کررہی ہے۔
