گوگل نیوز پر ہمیں فالو کریںمصر کی نہر سوئز میں گذشتہ منگل سے پھنسے دیو ہیکل مال بردار بحری جہاز کے جاپانی مالک نے عالمی تجارت میں خلل پڑنے پر معذرت طلب کرلی ہے۔
تفصیلات کے مطابق مال بردار جہاز کے مالک شوئی کسین کائیشا کا کہنا تھا کہ بحری جہاز ‘ایور گیون’ کو اس صورتحال سے نکالنا انتہائی مشکل ثابت ہو رہا ہے لیکن وہ اس کا حل تلاش کرنے کے لیے تمام وسائل بروئے کار لا رہے ہیں۔
مال بردار جہاز نے منگل کے روز چین سے نیدر لینڈز کے لئے سفر کا آغاز کیا تھا تاہم تیز ہواؤں کے باعث توازن اور سمت برقرار نہ رکھ سکا جو نہر کو بلاک کرنے کا سبب بن رہا ہے۔
غیر ملکی میڈیا کی رپورٹ کے مطابق مال بردار جہاز کے پھنسے سے تقریباً 150 بحری جہاز اس انتہائی اہم گزرگاہ میں موجود ہیں اور جہاز ‘ایور گیون’ کے گزرنے کا انتظار کررہے ہیں۔
ڈیڑھ سو سال قبل بنائی جانے والی سوئز کنال 193 کلو میٹر طویل اور اس کی چوڑائی 205 میٹر ہے اور کہا جاتا ہے کہ عالمی بحری تجارت کا 12 فیصد حصہ اس نہر سے گزرتا ہے۔
مصری حکام کا کہنا ہے کہ 8 چھوٹی کشتیوں کی مدد سے جہاز ایور گیون کو ہٹانے کے لئے جمعرات کی صبح سے کوششیں جاری ہیں۔
ایک ریسکیو ادارے کے سربراہ نےخبردار کیا ہے کہ اس جہاز کو نکالنے کے لئے کئی ہفتے بھی لگ سکتے اور اس کام کے لئے پہلے ہمیں جہاز کا وزن کم کرنے کے لئے کنٹینرز کم کرنا ہوں گے۔
نیدر لینڈز کے سرکاری ٹی وی سے بات چیت کرتے ہوئے بوسکالیز نامی کمپنی کے مالک کا کہنا ہے کہ اس میں کوئی شک نہیں کہ اس کام میں کئی ہفتے بھی لگ سکتے ہیں۔
The Suez Canal Authority hasn’t gotten the ship unstuck yet but they did make this great sizzle reel of them not getting the ship unstuck set to what sounds like a royalty-free version of the Tenet soundtrack https://t.co/WEf27ekums pic.twitter.com/ZRTeO3m7yU
— Josh Billinson (@jbillinson) March 25, 2021
