گوگل نیوز پر ہمیں فالو کریںکراچی: بیوہ خاتون کے ساتھ غیر مناسب لب و لہجہ اور غیر اخلاقی الفاظ استعمال کرنے والے سرکاری افسر کو معطل کردیا گیا ہے۔
ذرائع کا کہنا ہے کہ وفاقی رہائشی کالونی ایف سی ایریا میں وفاقی حکومت نے سوشل میڈیا پروائرل ہونے والی ویڈیو کاسخت نوٹس لیا ہے، وفاقی حکومت نے اسٹیٹ آفس کراچی کے ڈائریکٹر محمد ایوب کو معطل کرکے عہدے سے ہٹادیا۔محمد ایوب کو وزارت ہاؤسنگ میں رپورٹ کرنے کی ہدایت کی ہے۔
سیکریٹری ہاوسنگ کے مطابق اس معاملے پر محمد ایوب کے خلاف تحقیقات ہوں گی۔اس حوالے سے وفاقی سیکریٹری ہاوسنگ اینڈ ورکس کی ہدایت پر نوٹیفیکشن جاری ہوگیا ہے۔
ایف سی ایریا میں سرکاری فلیٹ خالی کرانے کے دوران ڈائریکٹراسٹیٹ آفس کراچی محمد ایوب نے بیوہ خاتون سے کہا تھا کہ بیوہ ہو تو شادی کرلو،ان کے بیان پرمبنی ویڈیووائرل ہونے پروفاقی حکومت اورسیکریٹری وزارت ہاؤسنگ نے معاملے کا سخت نوٹس لیا۔
وفاقی سیکریٹری ہاوسنگ و ورکس کے مطابق کسی افسر کو بدتمیزی کی اجازت نہیں دی جائے گی،خواتین کا احترام ہم پر فرض ہے۔
مزید پڑھیں:اجتماعی زیادتی کا شکار دس سالہ معصوم لڑکی حاملہ ہوگئی
ڈائریکٹر اسٹیٹ کراچی محمد ایوب نے وضاحت دیتے ہوئے کہا ہے کہ منہ سے بے ساختہ جملے نکل گئے،ان جملوں سے بیوہ خاتون کو تکلیف ہوئی اور ان کی دل آزاری ہوئی میں تہہ دل سے معذرت چاہتا ہوں اورخاتون سے معافی مانگنے پر تیار ہوں۔
