حکومت ڈاکٹرز کوحفاظتی لباس نہ دے کر کورونا کی مدد کر رہی ہے،مریم اورنگزیب

اسلام آباد:پاکستان مسلم لیگ (ن) کی ترجمان مریم اورنگزیب نے ڈاکٹرز اور طبی عملے کو تاحال حفاظتی لباس مہیا نہ کرنے کی مذمت کرتے ہوئے کہا ہے کہ ڈاکٹرز کورونا کے خلاف جنگ کر رہے ہیں۔

انہوں نے کہا کہ حکومت حفاظتی لباس نہ دے کر کورونا کی مدد کر رہی ہے۔ڈاکٹرز اور طبی عملے کو اب تک حفاظتی لباس نہیں فراہم کیا گیا ہے۔

تمام تفصیلات سے قوم کو آگاہ کیا جائے،تقریر، بیان اور ٹویٹ سے ڈاکٹرز کو حفاظتی کٹس نہیں ملیں گی،ہنگامی بنیادوں پہ مہیا کرنے سے ملیں گی۔ کوئٹہ میں ڈاکٹرز نے حفاظتی لباس مانگا تو ان پر ڈنڈے برسائے گئے۔

مریم اورنگزیب نے کہا کہ ڈاکٹرز کو حفاظتی کٹس پہنچ چکی ہیں، تمام تفصیل بتائی جائے۔ ڈاکٹرز احتجاج کر رہے ہیں، پریشان ہیں۔

ڈاکٹروں تک تاحال حفاظتی کٹس نہیں پہنچیں۔ ڈاکٹرز کورونا کے خلاف جنگ میں ہمارے سولجرز ہیں، حفاظتی کٹس کے ہتھیار نہیں ہوں گے، تو یہ جنگ وہ کیسے لڑیں گے؟۔