گوگل نیوز پر ہمیں فالو کریںکراچی: بڑی عمر کے آدمی سے شادی کرنے کے انکار پر باپ نے بیٹے کے ساتھ مل کر بیٹی کو قتل کردیا۔
ذرائع کے مطابق کراچی کے علاقے معمار میں دل دہلادینے والا ایک افسوس ناک واقعہ پیش آیا،جہاں بڑی عمر کے آدمی سے شادی کرنے سے انکار پر باپ نے بیٹے کے ساتھ مل کر بیٹی کو قتل کیا اور واقعے کو خودکشی قرار دے کر مقتولہ کی لاش دفن کردی۔
ایس ایچ او گلشن معمار سرور کمانڈو نے بتایا کہ پولیس کو علاقہ مکینوں کی جانب سے اطلاعات موصول ہوئیں کہ ایک لڑکی مدینہ بنت شامیر کو اس کے باپ اور بھائی بہاؤالدین نے اس بات پر قتل کیا کہ لڑکی نے عمر رسیدہ شخص سے شادی کرنے سے انکار کردیا تھا اور وہ کسی اور سے محبت کرتی تھی۔
باپ اور بھائی نے مدینہ شامیر کو متعدد بار سمجھایا مگر وہ عمر رسید شخص سے شادی سے انکار کرتی رہی، اس کے باوجود باپ بیٹے نے اس کی منگنی بھی کردی تھی جس پر لڑکی نے احتجاج بھی کیا تو باپ بیٹے نے 4 دن قبل اسے گلہ گھونٹ کر قتل کردیا لاش پنکھے سے لٹکا دی۔
ایس ایس پی ویسٹ فرخ رضا کے مطابق معمار پولیس نے قتل میں ملوث ازبکستانی باپ بیٹے کو گرفتار کرلیا ہے، دونوں ملزمان نے اعتراف جرم کرتے ہوئے بیان دیا ہے کہ مقتولہ مدینہ کسی اور کو پسند کرتی تھی، ہم نے اس کی کہیں اور منگی کردی تھی، لیکن وہ نہ مانی جس پر اس کی تلخ کلامی ہوئی اور بھائی نے بہن پر تشدد کیا اور اس کے ہی ڈوپٹے سے گلہ دبایا اور پھر واقعہ کو خودکشی کا رنگ دے دیا۔
مزید پڑھیں: سسر نے اپنی بہو کو بھی نہ بخشا، نئی نویلی دلہن سے 8روز تک جنسی زیادتی
