گوگل نیوز پر ہمیں فالو کریںکراچی: جدہ سے بذریعہ فلائٹ کراچی آنے والے مسافر میں منکی پاکس کی تصدیق ہوگئی ہے۔
محکمہ صحت سندھ نے مسافر میں منکی پاکس کی تصدیق کرتے ہوئے کہا کہ مسافر کو قرنطینہ کردیا گیا ہے جس کو تیز بخار سمیت جسم پر سُرخ نشان موجود ہیں۔
محکمہ صحت کا بتانا ہے کہ ڈاؤ یونیورسٹی میں 4 افراد کے منکی پاکس سے متعلق ٹیسٹ کیے گئے جن میں سے تین افراد میں منکی پاکس کے شواہد نہیں ملے البتہ سعودی عرب سے آنے والے مسافر میں منکی پاکس کی تصدیق ہوئی ہے۔
ملک بھر میں کورونا وائرس کے 20 نئے کیسز رپورٹ، 1 مریض انتقال کر گیا
مریض حال ہی میں مسقط سے کراچی پہنچا ہے ، جو جدہ میں بطور ڈرائیور کام کر رہا تھا۔ مریض کے گزشتہ روز نمونے لے کر ڈاؤ یونیورسٹی وائرولوجی لیب بھیجے گئے تھے۔
صوبائی محکمہ صحت کے مطابق منکی پاکس کی تصدیق ہونے کے بعد اسے جناح اسپتال کے آئسولیشن وارڈ منتقل کردیا گیا ہے مریض کن سے رابطے میں رہا اُن کی تلاش کا عمل جاری ہے۔
