گوگل نیوز پر ہمیں فالو کریںاسلام آباد: شہر اقتدار کے سینٹورس مال میں لگی آگ پر قابو پالیا گیا،چیف کمشنر اسلام آباد کیپٹن عثمان کا کہنا ہے کہ سینٹورس مال پر لگی آگ کو دو گھنٹے کے آپریشن کے بعد کنٹرول کیا گیا۔
چیف کمشنر اسلام آباد کے مطابق آگ پر قابو پانے میں فائر بریگیڈ، نیوی، ائیر فورس، ریسکیو 1122 نے حصہ لیا، تمام افراد کو بحفاظت باہر نکال دیا گیا تھا۔
دوسری جانب وفاقی وزیر داخلہ رانا ثناء اللہ نے اسلام آباد کے نجی مال میں لگنے والی آگ کا نوٹس لیا تھا، اسلام آباد انتظامیہ اور فائربریگیڈ کے عملے کو آگ پر قابو پانے کیلئے تمام وسائل استعمال کرنے کی ہدایات جاری کی گئی تھیں۔
مزید پڑھیں:نجی مال میں آگ پر 60 سے 70 فیصد قابو پا لیا گیا، کمشنر اسلام آباد
وفاقی وزیر داخلہ کا کہنا تھا آگ بجھانے کے لئے متعلقہ محکموں سے ہیلی کاپٹر کی سہولت سے بھی استفادہ کی جائے، مال میں پھنسے تمام افراد کو بحفاظت نکالا جائے، مال میں آگ لگنے کو وجوہات کا جائزہ لیکر ذمہ داران کا تعین کیا جائے۔ آگ لگنے کی مفصل رپورٹ وزارت داخلہ جمع کرائی جائے۔
