قومی کرکٹ ٹیم کے مایہ ناز بلے باز خطرناک بیماری میں مبتلا

 لاہور: قومی کرکٹ ٹیم کے مایہ ناز بلے باز خطرناک بیماری میں مبتلا ہوگئے۔

نجی میڈیا کے مطابق قومی کرکٹ ٹیم کے وکٹ کیپر ذوالقرنین حیدر عمان میں لیگ کے دوران معدے کی خطرناک بیماری کا شکار ہوئے، جس کے بعد کرکٹر فوری طور پر وطن واپس پہنچے ہیں۔

ذوالقرنین حیدر کا اپنی بیماری کے حوالے سے کہنا ہے کہ عمان میں لیگ کے دوران باسی کھانے کے باعث وہ معدے کی تکلیف میں مبتلا ہوئے، جس سے انہیں زخم ہوگئے اور کیمیکل پھیل گیا۔

یہ بھی پڑھیں:

فیفا ورلڈکپ 2022، ٹکٹوں کی فروخت کا نیا سلسلہ شروع

انہوں نے کہا کہ مقامی اسپتال میں آپریشن کروایا ہے تاہم مالی مشکلات کی وجہ سے پاکستان کرکٹ بورڈ (پی سی بی) کی توجہ کے منتظر ہیں۔ وکٹ کیپر کا کہنا تھا کہ بورڈ کی ٹیم اسپتال آئی تھی بل لیے ہیں امید ہے جلد ادائیگی ہوجائے گی۔

دوسری جانب ذوالقرنین کی اہلیہ اور بیٹی نے بورڈ سے اپیل کی ہے کہ وکٹ کیپر کو کوئی جاب دی جائے، انہیں سہارے کی ضرورت ہے تاکہ وہ انکا خیال رکھ سکیں۔

خیال رہے کہ ذوالقرنین حیدر نے پاکستان کے لئے 1 ٹیسٹ 4 ون ڈے اور 3 ٹی20 میچز کھیل رکھے ہیں۔