گوگل نیوز پر ہمیں فالو کریںفیصل آباد: وفاقی وزیر داخلہ رانا ثنا اللہ نے کہا ہے کہ جتنا مرضی زور لگالیں الیکشن اسی سال مدت پوری ہونے پر ہوں گے،پنجاب میں الیکشن 14 مئی کو نہیں ہوں گے۔
مسلم لیگ (ن) کے رہنما رانا ثنا اللہ نے تقریب سے خطاب کرتے ہوئے کہا کہ اپنے حلقے کے تمام مسائل حل کیے، اپنے حلقے میں نئے ہسپتال اور سکول کالجز بنائے، مشکل وقت میں پارٹی کے ساتھ رہنے والوں کو فراموش نہیں کیا جا سکتا، حلقے کے عوام نے ہر بار مجھ پر بھرپور اعتماد کا اظہار کیا، پاکستان میں جمہوریت اتنی مضبوط نہیں کہ اپوزیشن کے حلقے میں کام ہوں۔
انہوں نے کہا کہ 2018 میں حکومت چھوڑی تو پٹرول 65 روپے فی لٹر تھا، نواز شریف کی قیادت میں لوڈشیڈنگ اور دہشتگردی پر قابو پایا، فتنے کو ایک سازش کے تحت مسلط کیا گیا، ایک اوباش ٹولہ فتنے خان کے ساتھ تھا۔
ہمیں کمزور کرنے کیلئے 2018 میں حلقے کو تقسیم کر دیا گیا، مسلم لیگ (ن) نے ہمیشہ عوام کی خدمت کی، جب ہماری حکومت ختم ہوئی تو آٹا 35 روپے تھا۔
نواز شریف نے عالمی دباؤ کے باوجود انڈیا کے 5 کے مقابلے 6 دھماکے کیے، اگر ہم ایٹمی طاقت نہ ہوتے تو بھارت ہمیں کھا چکا ہوتا، عالمی پابندیوں کے بعد نواز شریف نے ملک کو مسائل سے نکالا۔
انہوں نے کہا ملک آگے بڑھ رہا تھا چار سال میں برباد کر دیا، عمران خان کہتا تھا خود کشی کر لوں گا لیکن آئی ایم ایف نہیں جاؤں گا، انڈیا ایٹمی طاقت بنا تو اس نے دھمکیاں دینا شروع کر دیں۔
مسلم لیگ (ن) کے رہنما رانا ثنا اللہ نے کہا 2013 میں 20،20 گھنٹے کی لوڈشیڈنگ ہوتی تھی، 2013 میں دہشت گردی عروج پر تھی، ہم نے پاکستان کو ڈیفالٹ ہونے سے بچا لیا ہے، عنقریب پستی کی طرف سفر رک جائے گا۔
وفاقی وزیر داخلہ رانا ثنا اللہ نے مزید کہا ہے کہ عمران خان جو رات کو اپنے ہوش میں نہیں ہوتا، کہاں ہیں؟ 50 لاکھ گھر جو انہوں نے بنانے تھے، اسٹیبلشمنٹ بھی کانوں کو ہاتھ لگا چکی ہے، اسٹیبلشمنٹ کہتی ہے اتنا بے غیرت آدمی ہم نے نہیں دیکھا، الیکشن کی تاریخ کا اعلان ہوتے ہی نواز شریف پاکستان آجائیں گے۔
مزید پڑھیں:الیکشن کیلئے جماعت اسلامی کی سربراہی میں آل پارٹیز کانفرنس ہوگی
آئی ایم ایف سے معاہدہ ہو چکا ہے جلد خوشحالی آجائے گی، عمرانی ٹولہ نئی نسل کو گمراہ کر رہا ہے، کہتا تھا ایک کروڑ نوکریاں دیں گے، بتاؤ کہاں ہیں وہ نوکریاں؟۔
