گوگل نیوز پر ہمیں فالو کریںممبئی: بھارتی فلم انڈسٹری کی معروف سینئر اداکارہ ہیما مالینی نے کئی کامیاب فلموں میں اداکاری کے جوہر دکھائے۔
ایک انٹرویو میں اداکارہ نے ماضی میں پیش آئے واقعے کے بارے میں مداحوں کو بتایا، انہوں نے کہا کہ ایک بار ان سے فلم کے ڈائریکٹر نے کہا کہ اپنی ساڑھی کے پلو پر پن نہ لگائیں اور اسے گرنے دیں۔
اداکارہ نے کہا کہ میں ہمیشہ ایک پن اپنی ساڑھی پر لگا کر رکھتی تھی تاکہ ساڑھی نیچے نہ گر جائے، ڈائریکٹر کی اس بات پر میں نے ان سے کہا کہ ساڑھی کا پلو نیچے گر جائیگا، جس پر انھوں نے کہا کہ وہ یہی چاہتے ہیں کہ ساڑھی کا پلو نیچے گر جائے۔
ہیما مالینی کا مزید کہنا تھا کہ انہیں راج کپور نے فلم ستیم شیوم سندرم کرنے کی پیش کش کی تھی۔ راج کپور جانتے تھے کہ میں اس پروجیکٹ میں کام نہیں کروں گی، انہوں نے یہ بات مجھ سے کہی بھی، کہ انہیں معلوم ہے لیکن ان کی خواہش تھی کہ میں اس فلم میں کام کروں۔
ہیما مالینی نے کہا کہ اس موقع پر ان کی والدہ بھی راج کپور کے ساتھ ہونے والی ملاقات میں موجود تھیں، انہوں نے بھی میری جانب سے انکار کی تائید کی۔بعدازاں یہ کردار زینت امان نے کیا اور کامیابی کی بلندیوں کو چھوا۔
بھارتی اداکارہ نے اس موقع پر اپنے شوہر دھرمیندر کے بارے میں بھی بتایا کہ وہ اپنی 2بیٹیوں ایشا اور آہانا کا بہت خیال رکھتے ہیں اور بچیوں کی نگہداشت میں دھرمیندر ہمیشہ موجود رہے۔
مزید پڑھیں:پرجوش پرستاروں کے ساتھ شاہ رخ نے نئی فلم جوان کا پریویو شیئر کردیا
ہیما مالینی کا مزید کہنا تھا کہ انہیں بچیوں کی شادی کی فکر تھی اور کہتے تھے کہ ان کی جلد شادی ہونی چاہیے، تو میں ان سے کہتی تھی ضرور ہوگی لیکن درست وقت اور اچھے آدمی سے ہوجائے گی۔
