گوگل نیوز پر ہمیں فالو کریںپاکستان ریلوے نے عید الاضحیٰ کے پر مسرت موقع پر حسب روایت 3 اسپیشل ٹرینیں چلانے کا فیصلہ کرلیا ہے۔
ریلویز نے عید اسپیشل ٹرینوں کا شیڈول بھی جاری کر دیا ہے، جس میں بتایا گیا ہے کہ کونسی عید اسپیشل ٹرین کہاں سے اور کب روانہ ہوگی۔
ریلوے کی جانب سے جاری کردہ شیڈول کے مطابق 14، 15 اور 16 جون کو عید اسپیشل ٹرینیں مختلف شہروں سے مختلف اوقات میں روانہ ہوں گی۔
ترجمان محکمہ ریلوے کے مطابق پہلی عید اسپیشل ٹرین 14 جون کو شام 6 بجے کراچی سے لاہور کے لیے روانہ ہوگی۔
اسی طرح دوسری عید اسپیشل ٹرین 15 جون کو صبح 10 بجے کوئٹہ سے براستہ لاہور راولپنڈی کے لیے روانہ ہوگی جبکہ تیسری عید اسپیشل ٹرین 16 جون کو رات 9 بجے کراچی سے ملتان اور ساہیوال سے ہوتے ہوئے لاہور پہنچے گی۔
دوسری جانب پاکستان ریلوے کی انتظامیہ نے عید اسپیشل ٹرینوں کے حوالے سے انتظامات کو حتمی شکل دے دی ہے۔
