گوگل نیوز پر ہمیں فالو کریںکراچی: پولیس نے اسٹیل ٹاؤن اچار گوٹھ سے ملنے والی 17 سالہ لڑکی کی لاش پوسٹ مارٹم مکمل ہونے کے بعد لواحقین کے حوالے کردی۔
ذرائع کے مطابق پولیس کی جانب سے اسٹیل ٹاؤن اچار گوٹھ فلٹر پلانٹ سے 17 سالہ لڑکی کی لاش ملنے کے واقعے پر ابتدائی معائنے پر لاش پر کوئی زخم یا چوٹ کا نشان موجود نہیں ہے۔
پولیس کے مطابق لڑکی کا پوسٹ مارٹم مکمل کرلیا گیا ہے جس کے بعد لاش کو لواحقین کے حوالے کردیا ہے، اس حوالے سے پولیس نے موقف اپنایا ہے کہ لاش پانی میں ڈوبی رہی اور زیادتی ہوئی یا کوشش کی گئی پوسٹ مارٹم میں معلوم نہ ہوسکا۔
پولیس نے کہا ہے کہ لاش کے سیمپل لے کر پوسٹ مارٹم رپورٹ محفوظ کرلی گئی۔لاش ملنے کے بعد والد نے بیان میں کہا ہے کہ بیٹی چار جنوری کو گھر سے بھائی سے ناراض ہوکر نکلی تھی اور اتوارکی صبح آٹھ بجے بیٹی کی لاش واٹر پلانٹ سے ملی۔
مزید پڑھیں: پنجاب میں نجی اسکول کے پرنسپل نے میٹرک کی طالبہ سے جنسی زیادتی کرکے ویڈیو وائرل کردی
