جنوبی افریقہ کے نائٹ کلب سے 22 نوجوانوں کی لاشیں برآمد، معمہ کیا؟

جنوبی افریقہ کے جنوبی شہر مشرقی لندن کے ایک نائٹ کلب میں 22 نوجوان پراسرار حالت میں مردہ پائے گئے ہیں۔

تفصیلات کے مطابق پولیس ترجمان کا کہنا ہے کہ اتوار کو یہ لاشیں انیوبینی تارون نامی کلب سے ملی ہیں، متعدد افراد کے زخمی ہونے کی اطلاعات بھی ہیں۔

پولیس ترجمان کا واقعے کے حوالے سے کہنا ہے کہ فی الحال اس واقعے کے حوالے سے کچھ بھی کہنا قبل ازوقت ہوگا، واقعے سے جڑے دیگر حالات کی چھان بین کی جارہی ہے۔

پولیس ترجمان کا کہنا ہے کہ نائٹ کلب میں ہلاک ہونے والوں میں زیادہ تر نوجوان شامل ہیں، جن کی عمریں 18 سے 20 کے درمیان ہیں اور ہلاک ہونے والے نوجوانوں کے بہت سے رشتہ دار اُن کی لاشوں کو نہیں دیکھ پا رہے۔

یہ بھی پڑھیں:

ہم جنس پرستی کا خوف، سعودی عرب نے پاب اٹس پر پابندی لگادی

پولیس حکام نے مزید کہا کہ نائٹ کلب میں لاشیں ایسے پڑی تھیں جیسے کہ وہ فرش پر گرے پڑے ہوں۔

صوبے کے محکمہ صحت کے ترجمان نے نجی میڈیا سے گفتگو میں کہا کہ لاشوں کو محتلف سرد خانوں میں منتقل کر دیا گیا ہے۔ اُن کا کہنا تھا کہ نوجوانوں کی موت کی وجہ جاننے کیلئے اُن کا موسٹ مارٹم کیا جائے گا۔

دوسری جانب صوبے کے وزیراعلیٰ اوسکر مابویان نے کہا ہے کہ ’جنوبی افریقہ میں پولیس کے وزیر بیکی سیل نے تحقیقات میں مدد فراہم کرنے کے لیے ماہرین کی ایک اضافی ٹیم کے ساتھ جائے وقوعہ جا رہے ہیں۔‘