بنگلا دیش حکومت نے آئی ایم ایف سے قرض مانگ لیا

ڈھاکا: بنگلادیش کی حکومت کی جانب سے عالمی مالیاتی ادارے (آئی ایم ایف) سے ساڑھے 4 ارب ڈالر قرض کا تقاضہ کیا گیا ہے۔

بین الاقوامی میڈیا رپورٹ کے مطابق بنگلا دیش کا کرنٹ اکاؤنٹ خسارہ 11 مہینوں میں 17.20 ارب ڈالر رہا اور بنگلا دیش نے بیرونی ادائیگیوں اوربجٹ سپورٹ کے لیے آئی ایم ایف سے قرض طلب کیا ہے۔

میڈیا رپورٹس کے مطابق ایک ارب 50 کروڑڈالرقرض پرسود نہیں ہوگا جب کہ 3 ارب ڈالر پر 2 فیصد سود طلب کیا جائے گا۔ دسمبرمیں اسٹاف لیول معاہدہ ہوگا اور جنوری میں معاہدہ بورڈ کی منظوری کے لیے پیش کیا جائے گا۔

واضح رہے کہ پاکستان کی جانب سے بھی آئی ایم ایف سے قرض طلب کیا گیا ہے اور عنقریب پاکستان کو قرض ملنے کے امکانات ہیں۔