گوگل نیوز پر ہمیں فالو کریںممبئی: بھارتی کرکٹ ٹیم کے سابق کھلاڑی سچن ٹنڈولکر کا کہنا ہے کہ وسیم اکرم کے ہاتھوں میں گیند بولتی تھی۔
سابق عظیم بھارتی بیٹر نے پاکستانی لیجنڈ پیسر کی سوانح عمری میں اپنی تحریر میں لکھا کہ کرکٹ ایک ٹیم گیم مگر اصل میں یہ بیٹ اور بال کی جنگ ہوتی ہے،وسیم اکرم حریفوں کے لئے چیلنج ثابت ہوتے تھے۔
اس معیار کے بولر کے مقابل کھیلتے ہوئے بیٹر کو بھی بہت کچھ سیکھنے اور اپنا کھیل بہتر بنانے کا موقع ملتا ہے، یہ تجربہ ہمیشہ آپ کے ساتھ رہتا ہے۔
سابق بھارتی کپتان نے کہا کہ میں نے جب پہلی بار ان کا سامنا کیا تو بالکل ہی نیا اور منفرد تجربہ ہوا،ان کیخلاف کھیلا گیا ہر میچ مجھے یاد ہے،میدان میں زبردست جنگ ہوتی رہی مگر ہم باہر ہمیشہ ہی بہترین دوستوں کی طرح ملتے ہیں۔
مزید پڑھیں:شاہنواز دھانی راہول ڈریوڈ کی عاجزی کے گُن گانے لگے
سچن ٹنڈولکر نے کہا کہ وسیم اکرم ایک ماسٹر تھے جن کے ہاتھوں میں گیند بولتی تھی، زیادہ تر بولرز کے برعکس سابق پیسر کا رن اپ نیچرل تھا،ان کو قدم گننے کی ضرورت پیش نہیں آتی تھی،وہ کسی بھی اسٹارٹ کے ساتھ بولنگ کرتے ہوئے موثر ہوتے۔
