پاک آسٹریلیا ٹیسٹ سیریز کا دوسرا روز، آسٹریلوی بلے باز بڑا اسکور کرنے کیلئے تیار

لاہور : پاکستان اور آسٹریلیا کے درمیان ٹیسٹ سیریز کا تیسرا روز اور فیصلہ کن ٹیسٹ میچ کا آج دوسرا روز ہے۔

تفصیلات کے مطابق لاہور کے قذافی اسٹیڈیم میں پاکستان اور آسٹریلیا کی کرکٹ ٹیموں کے درمیان تیسرا اور آخری ٹیسٹ میچ کھیلا جارہا ہے جس میں آسٹریلیا نے ٹاس جیت کر پہلے بیٹنگ کرنے کا فیصلہ کیا۔

آسٹریلیا نے آج دوسرے دن کا کھیل 232 رنز 5 وکٹوں کے نقصان پر شروع کیا اور اب تک بغیر کوئی وکٹ گنوائے 250 رنز اسکور کرلیے ہیں۔

آسٹریلیوی کھلاڑی کیمرون گرین 28 اور ایلکس کیری 19 رنز بناکر کریز پر موجود ہیں۔

یہ بھی پڑھیں:تیسرے ٹیسٹ کے پہلے روز آسٹریلیا نے 5 وکٹوں پر 232 رنز بنالیے

خیال رہے کہ گزشتہ روز لاہور کے قذافی اسٹیڈیم میں کھیلے جا رہے سیریز کے تیسرے اور آخری ٹیسٹ میچ میں آسٹریلیا کے کپتان پیٹ کمنز نے ٹاس کا سکا اپنی ٹیم کے حق میں پلٹنے کے بعد پہلے بلے بازوں کو آزمانے کا فیصلہ کیا تھا۔

آسٹریلیا نے اننگز کا آغاز کیا تو اننگز کے تیسرے ہی اوور میں شاہین شاہ آفریدی کی گیند وکٹوں کے عین سامنے ڈیوڈ وارنر کے پیڈ پر لگی اور وہ آؤٹ قرار دیے گئے تھے۔