ملزم نے دوستی کی آڑ میں لڑکی کو زیادتی کا نشانہ بنا ڈالا

راولپنڈی: ملزم نے دوستی کی آڑ میں لڑکی زیادتی کا نشانہ بنا ڈالا، پولیس نے واقعہ کا ملزم کیخلاف مقدمہ درج کرلیاہے۔

 (م) نامی لڑکی نے تھانہ صدر کو بتایا کہ میں گزشتہ روز ضروری خریداری کرنے کیلئے بستی بازار گئی ہوئی تھی جہاں مجھے میرے دوست راجہ فلک جاوید نامی نوجوان نے فون کیا۔

راجہ فلک اپنی گاڑی لے کر میرے پاس بازار میں آگیا، ہم دونوں نے ایک ساتھ خریداری کی جس کے بعد ہم دونوں گھومنے چلے گئے۔

لڑکی کا کہنا تھا کہ اسی دوران ملزم نے میرے ساتھ زبردستی زیادتی کی۔لڑکی جانب سے اپیل کی گئی ہے کہ اعلیٰ حکام مذکورہ واقعے کا نوٹس لیتے ہوئے راجہ فلک کیخلاف سخت کارروائی کریں۔

اس حوالے سے ادارہ نے پولیس سے موقف جاننے کی کوشش کی تو پولیس افسران کا کہنا تھا کہ واقعے کا مقدمہ درج کرلیا گیا ہے اور ملزم کی تلاش میں چھاپے مارے جارہے ہیں۔