گوگل نیوز پر ہمیں فالو کریںپاک ایران وزرائے خارجہ کا ٹیلیفونک رابطہ ہوا ہے۔ وزیر خارجہ جلیل عباس جیلانی اور ایرانی ہم منصب حسین امیر عبداللہیان نے دو طرفہ تعلقات کی بحالی پر اتفاق کیا۔
تفصیلات کے مطابق پاکستان اور ایران کے وزرائے خارجہ نے دونوں ممالک کے مابین جاری کشیدگی اور باہمی تناؤ میں کمی لانے اور اعتماد سازی کے اقدامات کرنے پر اتفاق کر لیا ہے۔
ٹیلیفونک گفتگو کے دوران پاک ایران تعلقات پر تفصیلی گفتگو ہوئی۔ دونوں وزرائے خارجہ نے فریقین کے بنیادی مسائل اور درپیش چیلنجز کو مشترکہ حکمتِ عملی سے حل کرنے سے اتفاق کیا۔
بعض میڈیا رپورٹس کے مطابق دونوں وزرائے خارجہ باہمی سفارتی تعلقات کی بحالی کیلئے بھی متفق ہیں جبکہ خطے کے دیگر ممالک بھی پاکستان اور ایران پر تناؤ میں کمی پر زور دے رہے ہیں۔
پاکستان ایران کشیدگی کے تناظر میں ترکیہ کے وزیر خارجہ نے بھی نگران وزیر خارجہ جلیل عباس جیلانی کو فون کیا اور پاک ایران معاملات پر تبادلۂ خیال کرتے ہوئے خیرسگالی کے جذبات کا اظہار کیا۔
نگران وزیر خارجہ جلیل عباس جیلانی نے ترک ہم منصب کو پاکستان کے نقطہ نظر اور حالیہ امور کی صورتحال سے آگاہ کرتے ہوئے کہا کہ پاکستان نے آپریشن مرگ برسرمچار سے دہشت گردوں کو نشانہ بنایا۔
وزیر خارجہ جلیل عباس جیلانی نے کہا کہ پاکستان نے ایران کے اندر دہشت گردوں کے کیمپوں پر کارروائی کی۔ ہمیں کشیدگی کی کوئی خواہش یا تناؤ میں کوئی دلچسپی نہیں ہے۔
