گوگل نیوز پر ہمیں فالو کریںپاکستانی شوبز انڈسٹری کے معروف اداکار بلال عباس خان اور درفشاں سلیم کی جاندار اداکاری پر مبنی ”عشق مرشد“ کا ٹیزر ریلیز کردیا گیا ہے۔
تفصیلات کے مطابق ”عشق مرشد“ کا نام سامنے آنے کے بعد سے بلال عباس خان اور درفشاں سلیم کے مداح مسلسل ٹیزر کے انتظار میں تھے جسے نجی ٹی وی نے سوشل میڈیا پلیٹ فارم سے ریلیز کردیا۔
اداکار بلال عباس بہت جلد نئے ڈرامے میں نظر آئینگے
View this post on Instagram
نئے ٹیزر میں درفشاں سلیم اور بلال عباس خان کو پہلی بار ایک ساتھ اداکاری کرتے ہوئے دکھایا گیا ہے۔ دونوں اداکار اس سے قبل مختلف ٹی وی پراجیکٹس میں الگ الگ اداکاری کے جوہر دکھا چکے ہیں جو پہلی بار آمنے سامنے آئے۔
View this post on Instagram
ٹیزر میں بلال عباس خان اور در فشاں دونوں ہی اداکاروں کی جوڑی خوبصورت نظر آئے گی جبکہ ایک ساتھ دونوں کے مابین گفتگو اور ڈرامے کے مختلف سین بھی ناظرین کی توجہ حاصل کرنے میں کامیاب نظر آتے ہیں۔
خیال رہے کہ ”عشق مرشد“ کا نام سامنے آئے ہوئے 5 ماہ ہوچکے ہیں۔ مارچ کے دوران یہ اطلاع سامنے آئی تھی کہ شوبز انڈسٹری کے خوبرو اداکار بلال عباس بہت جلد نئے ڈرامے میں جلوہ گر ہونگے۔
اپنے انسٹاگرام اکاؤنٹ کے ذریعے 10 مارچ کو بلال عباس نے اپنے نئے پراجیکٹ کا اعلان کیا اور بتایا کہ نئے ڈرامے کا نام ”عشق مرشد“ ہے جس کے ہدایت کار فاروق رند ہیں جبکہ ڈرامہ ہم ٹی وی پر نشر کیا جائے گا۔
