اسلام آباد، گگو منڈی کالج میں استاد کی طالبہ کے ہمراہ نازیبا ویڈیو وائرل

اسلام آباد کے گگو منڈی کالج میں استاد کی طالبہ کے ہمراہ نازیبا ویڈیو وائرل ہوگئی جبکہ اساتذہ کے کردار پر سوالات اٹھائے جا رہے ہیں۔

تفصیلات کے مطابق گگو منڈی لیڈیز کالج میں استاد طالبہ سے نازیبا حرکت کرتے ہوئے پکڑا گیا جس کی ویڈیو سوشل میڈیا پر وائرل ہے جبکہ کالج کے مالک محمود الحسن پر چوری کا الزام تھا جو جیل بھی بھگت چکے ہیں۔

یہ بھی پڑھیں:

بولان کی تحصیل مچھ میں بم دھماکہ، ایف سی اہلکار زخمی ہوگیا

گزشتہ روز لیڈیز کالج کے چوکیدار محمد افضل نے کالج کے مالک محمود الحسن پر الزام عائد کیا کہ وہ عیاش قسم کے شخص ہیں جو چوری کے مقدمے میں جیل بھگت چکے۔ کالج اور اکیڈمیاں اپنی عیاشی کیلئے بنائیں۔

کالج چوکیدار کا کہنا تھا کہ لیڈیز کالج میں آئے روز طلبہ و طالبات سے زیادتی ہوتی ہے۔ کالج ٹیچر عابد آکاش طالبہ سے نازیبا حرکتیں کرتا پکڑا گیا جس کی ویڈیو وائرل ہوچکی ہے۔ ماضی میں بھی متعدد ٹیچرز ہراسگی پر پکڑے گئے تھے۔میرے پاس الزامات کے ثبوت بھی ہیں۔

ویڈیو وائرل ہوتے ہی مذہبی و سماجی حلقوں میں کالج انتظامیہ کے خلاف غم و غصہ جنم لینے لگا۔ اس بات پر مؤقف لینے کیلئے لیڈیز کالج کے مالک محمود الحسن سے رابطہ کیا گیا تو ان کا کہنا تھا کہ کالج کی بلڈنگ میں واقع بیس اکیڈمی میں یہ واقعہ ہوا، کالج کا اس سے کوئی تعلق نہیں۔