گوگل نیوز پر ہمیں فالو کریںگلوکارہ ٹیلر سوئفٹ اپنے نئے البم ’دی ٹارچرڈ پوئٹس ڈیپارٹمنٹ‘ کے 3 سرپرائز گانوں کے لائیو ورژن فروخت کر رہی ہیں۔
14 بار گریمی ایوارڈ جیتنے والی گلوکارہ نے The Tortured Poets Department کے 3 گانوں کے لائیو ورژن جاری کیے جو انہوں نے پیرس میں اس مہینے کے شروع میں اپنے شو کے دوران سرپرائز ٹریک کے طور پر پیش کیے تھے۔
34 سالہ گلوکار اکوسٹک کلیکشن بنڈل فروخت کر رہی ہیں، ہر بنڈل صرف 24 گھنٹوں کے لیے خریدنے کے لیے دستیاب ہوگا، اس کی قیمت 5.99 ڈالر ہے اور اس میں معیاری TTPD البم کے 16 ٹریکس بھی شامل ہیں۔
پیرس کے ان شوز میں ٹیلر سوئفٹ نے اپنے نئے TTPD البم کے سات گانوں کے ساتھ سیٹ لسٹ کے حصے کو بیان کرنے کے لیے “فیمیل ریج: دی میوزیکل” تیار کیا۔
ان تینوں گانوں کو سرپرائز گانوں کے سیگمنٹ کے دوران پیش کیا گیا تھا، جہاں وہ ہر رات صرف اس رات کے ہجوم کے لیے دو گانے (یا گانوں کا میش اپ) پیش کرتی ہیں۔
یاد رہے کہ ٹیلر سوئفٹ رواں ماہ مئی میں پرتگال میں دو شوز اور اسپین میں دو شوز کرینگی۔ ایرا ٹور اگست میں لندن میں ختم ہونے سے پہلے پورے یورپ میں موسم گرما میں جاری رہے گا۔ اس کے بعد امریکا میں مزید شو کرنے سے پہلے ٹورنٹو اور وینکوور میں شوز کے لیے واپس شمالی امریکاجائینگی۔
