سیاہ فام شہری کی ہلاکت، ٹیلرسوئفٹ صدر ٹرمپ پر برہم

واشنگٹن: امریکا کی معروف گلوکارہ“ٹیلر سوئفٹ“نے امریکا میں سیاہ فام شہری کی ہلاکت پر صدر ٹرمپ کو آڑے ہاتھوں لے لیا، انہوں نے صدر ٹرمپ کو تنقید کا نشانہ بنایا۔

گلو کارہ“ٹیلر سوئفٹ“نے امریکا میں سیاہ فام شخص کی ہلاک کے بعد ملک بھر میں مظاہروں پرٹرمپ کو کھری کھری سناتے ہوئے کہا ہے کہ ڈونلڈ ٹرمپ پوری صدارتی مدت میں سفید فام بالادستی اور نسل پرستی کی آگ بھڑکانے کے بعد آپ تشدد کی دھمکی دینے سے پہلے جھوٹی اخلاقی برتری کا مظاہرہ کرنے کی ہمت رکھتے ہیں تاہم نومبر میں ہونے والے صدارتی انتخابات میں عوام ڈونلڈ ٹرمپ کو مسترد کردیں گے۔

After stoking the fires of white supremacy and racism your entire presidency, you have the nerve to feign moral superiority before threatening violence? ‘When the looting starts the shooting starts’??? We will vote you out in November. @realdonaldtrump

— Taylor Swift (@taylorswift13) May 29, 2020

واضح رہے کہ 25 مئی کو منیسوٹا میں امریکی پولیس کے تشدد سے سیاہ فام شہری جارج فلائیڈ ہلاک ہوگیا تھا۔ اس واقعے کی ویڈیو وائرل ہوگئی جس میں دیکھا جاسکتا ہے کہ سفید فام پولیس اہلکار نے اپنا گھٹنا جارج فلائیڈ کی گردن پر رکھ کر اتنا شدید دباؤ ڈالا کہ اس کی گردن ٹوٹ گئی اور وہ جانبر نہ ہوسکا۔

مذکورہ واقعہ کے بعد سیاہ فاموں کے ساتھ نسلی امتیاز اور تعصب کیخلاف پرتشدد مظاہرے شدت اختیار کرگئے ہیں اور حالات سنگین ہونے کے باعث کئی شہروں میں کرفیو نافذ کرکے فوج تعینات کردی گئی ہے۔پرتشدد واقعات کے دوران املاک کو بھی نقصان پہنچایا گیا۔