معروف اداکار تنویر جمال کی طبیعت خراب، اسپتال منتقل

کراچی: شوبز انڈسٹری کے سینیئر و معروف اداکار تنویر جمال کو گزشتہ شب طبیعت بگڑنے پر جاپان کے اسپتال میں منتقل کردیا گیا ہے۔

معروف اداکار کی طبیعت کے حوالے سے گفتگو کرتے ہوئے اہلخانہ نے مداحوں سے درخواست کی کہ وہ اُن کی جلد صحت یابی کیلئے دُعا کریں۔

خیال رہے کہ تنویر جمال کو 2016 میں پہلی بار کینسر کی تشخیص ہوئی تھی تاہم وہ علاج کے بعد صحت یاب ہوگئے اور دوبارہ ڈراموں میں کام کرنے لگے، تاہم چند ماہ قبل تنویر جمال کو ایک بار پھر کینسر کی تشخیص ہوئی جس سے ان کی صحت کافی متاثر ہوئی۔

یہ بھی پڑھیں:

اسرا بلگچ کا بولڈ فوٹو شوٹ سوشل میڈیا پر وائرل

گزشتہ سال تنویر جمال اپنے ڈرامے ’میرے اپنے‘ کے سیٹ پر شوٹنگ کے دوران اچانک بیمار ہوگئے۔ اس ڈرامے میں ان کی جگہ فردوس جمال کو لیا گیا تھا۔ تنویر جمال اپنی شاندار اداکاری کی وجہ سے گزشتہ 35 سالوں سے پاکستان میں ٹیلی ویژن کی ایک معروف شخصیت ہیں۔ وہ اپنی شاندار کارکردگی پر پی ٹی وی کا ایوارڈ بھی جیت چکے ہیں۔

تنویر جمال نے ایک پرائیویٹ پروڈکشن میں پہلی ایکشن سے بھرپور میگا ڈرامہ سیریل ’گاڈ فادر‘ کو ڈائریکٹ اور پروڈیوس کرکے اپنا نام بنایا جبکہ یہ ڈرامہ سیریل پاکستان اور جاپان میں بھی ریکارڈ کیا گیا۔