گوگل نیوز پر ہمیں فالو کریںاسلام آباد: آزاد کشمیر کے سابق وزیر اعظم سردار تنویر الیاس نے چیئرمین پی ٹی آئی پر الزام عائد کرتے ہوئے کہا ہے کہ عمران خان عاصم منیر کو آرمی چیف بننے سے روکنا چاہتے تھے۔
تفصیلات کے مطابق اسلام آباد میں پریس کانفرنس کے دوران سردار تنویر الیاس نے کہا کہ آزاد کشمیر میں بلدیاتی انتخابات کے باعث ہم نے لانگ مارچ 2روز آگے کرنے کی درخواست کی تھی جو عمران خان نے مسترد کردی۔
وزیر اعظم وفاقی کابینہ کا اجلاس کی صدارت آج کریں گے
پریس کانفرنس میں گفتگو کرتے ہوئے تنویر الیاس نے کہا کہ ہماری درخواست پر عمران خان نے کہا کہ عاصم منیر کو آرمی چیف بننے سے روکنا چاہتے ہیں۔ عمران خان نے سازش کے تحت فوج اور آرمی چیف کو متنازعہ بنایا۔
گفتگو کے دوران تنویر الیاس نے کہا کہ آرمی چیف کی تعیناتی سے 2 دن پہلے پی ٹی آئی کا لانگ مارچ سازش کی کڑی تھی، جب قومی اسمبلی میں تحریکِ عدم اعتماد لائی گئی تو عمران خان چاہتے تھے فوج اس کو ناکام بنا دے۔
سابق وزیر اعظم آزاد کشمیر نے کہا کہ فوج نے غیر جانبداری کا فیصلہ کیا تو عمران خان نے پارٹی کے اجلاس میں بتایا کہ فوج مخالف بیانیہ تشکیل دینا ہے۔ چند روز بعد ہی کاغذ کا ٹکڑا لہراتے ہوئے اپنی فوج کو ہی میر جعفر اور میر صادق کہا۔
سردار تنویز الیاس نے کہا کہ عمران خان نوجوان ذہنوں میں فوج کے خلاف جذبات کو ہوا دے رہے ہیں۔ سلیپر سیلز کے ذریعے فوجی تنصیبات پر حملے ہو رہے ہیں۔ پی ٹی آئی دور میں گورننس کا حال بد ترین تھا۔
