گوگل نیوز پر ہمیں فالو کریںبھارتی اداکارہ تمنا بھاٹیہ اور وجے ورما کی شادی سے متعلق بھارتی میڈیا نے بڑا دعویٰ کردیا ہے۔
بھارتی میڈیا کا کہنا ہے کہ تمنا بھاٹیہ اور وجے ورما عنقریب شادی کے بندھن میں بندھ جائیں گے اور وہ اس متعلق منصوبہ بندی بھی کر رہے ہیں۔
رپورٹس میں یہ بھی دعویٰ کیا گیا کہ مذکورہ رپورٹس ایسے وقت میں سامنے آئی ہیں جب جوڑے نے کوئی بھی نیا پروجیکٹ سائن نہیں کیا۔تمنا بھاٹیہ کے والدین اداکارہ پر جلد شادی کرنے کیلیے دباؤ ڈال رہے ہیں۔
تمنا بھاٹیہ نیرواں سال جون میں ایک انٹرویو کے دوران شادی کے منصوبے کے بارے میں بات کی تھی، اس پر اُن کا کہنا تھا کہ میرا خیال یہ ہے کہ جب آپ شادی کرنے کے بارے میں سوچتے ہیں تو آپ کو شادی کر لینی چاہیے، شادی ایک بڑی ذمہ داری ہے یہ کوئی معمول کی پارٹی نہیں۔
تمنا بھاٹیہ کا کہنا تھا کہ اس لیے جب آپ کسی ایسی ذمہ داری کیلیے ذہنی طور پر تیار ہو جاتے ہیں تو آپ کو اسے ادا کرنا پڑتا ہے، اس لیے نہیں کہ سب کہہ رہے ہیں تو شادی کرلو۔
